🌴 בצל מורינו 🌴

🌴בצל מורינו🌴
= שבת קודש פרשת תצוה - שבת זכור =

ערש"ק ארום 6:20 איז דער רב אריינגעקומען בהיכל בית מדרשינו הגדול,
דער רב האט געזאגט שיר השירים, און דערנאך יורד געווען לפני התיבה צו תפילת מנחה,
צו קבלת שבת איז צוגעגאנגען הרה"ח ר' משה יוסף מיטטעלמאן הי"ו,
נאכ'ן דאווענען איז דער ציבור אריבער זאגן גוט שבת,
מ'האט געענדיגט ארום 8:10, און דער רב האט פארלאזט דעם בנין הביהמ"ד אויפ'ן וועג אהיים לביתו.

= התוועדות ליל שבת קודש =

ארום 10:15 איז דער רב אריינגעקומען אין היכל מאיר זעליג בביהמ"ד הגדול צום התוועדות ליל שב"ק,
דער רב האט טועם געווען חלה און אנגעהויבן עטליכע ניגוני שבת,
דער רב האט דערציילט עטליכע סיפורי צדיקים משולב בדברי תורה על פרשת השבוע.

מיט די זמירות שבת קודש האט דער רב מכבד געווען חשובי אנשי שלומינו הנאספים, מ'האט געזינגען כל מקדש,
דערנאך האט דער רב נאכגעזאגט הערליכע ציצים ופרחים על פרשת השבוע בתוספת נופך משלו,
דער רב האט טועם געווען קוגל און מ'האט פארטיילט פאר'ן ציבור,
דערנאך האט דער רב געמאכט א לחיים און געוואונטשן פאר'ן גאנצן ציבור.

דער רב האט אנגעהויבן מנוחה ושמחה,
דערנאך האט דער רב משמיע געווען דברי תורה, אויפ'ן פסוק 'ואתה תצוה את בני ישראל' בפרשת השבוע און עס אויסגעטייטשט אויף צוויי מהלכים בדרך דרוש ופלפול ארויסברענגענדיג צווישן אנדערע אז מ'דארף אייביג אין יעדן זמן דינען דעם אויבערשטן מיט התלהבות.

מען האט אויפגעגעבן לעבער,
קה אכסוף: הרה"ג ר' יוסף אשר זילבערשטיין שליט"א - מו"ץ בקהילתינו הק',
ויהיו רחמיך: מוה"ר דוד בראווער הי"ו - לאנדאן,
ברכת המזון: הרב אהרן הערש וועבער הי"ו - פ"ר דקהילתינו הק'.

מ'האט אויפגעגעבן פירות און דער רב האט פארטיילט פאר די פרישע חתנים,
מ'האט געזינגען ניגוני שבת און ניגוני פורים,
דער רב דערציילט עובדות וסיפורים פון הרה"ק ר' אייזיק'ל קאלוב'ער זי"ע וואס די יארצייט איז געפאלן דעם פארגאנגענעם פרייטאג - ז' אדר.

מען האט אויפגעגעבן בונדלעך לרגל די שלום זכר לבן הנולד אצל מוה"ר יואל בן מוה"ר בנציון אהרן ווערצבערגער הי"ו,
דער רב האט טועם געווען און פארטיילט פאר די בעלי שמחה און אנגעוואונטשן ברכות לרוב,
דערנאך איז דער ציבור אריבער א גוט שבת,
מ'האט געענדיגט ארום 12:00, און דער רב האט פארלאזט דעם בנין הביהמ"ד אויפ'ן וועג אהיים לביתו.

= וביום השבת קודש =

ארום 9:30 איז דער רב אריינגעקומען בהיכל בית מדרשינו הגדול צו תפילת שחרית,
צו ברכות ופסוקי דזמרה איז צוגעגאנגען מוה"ר משה יודא הירש הי"ו,
בעל תפילה שחרית: הרה"ח ר' חיים העללער הי"ו.

ביים ליינען זענען נתכבד געווארן:
הוצאה והכנסה: מוה"ר אברהם משה לאנדא הי"ו, און מוה"ר יצחק הכהן פריעדמאן הי"ו - ק"י,
בעל קורא: ר' יעקב אהרן הירש הי"ו
כהן: החתן יושע ב"ר יצחק פריעדמאן ני"ו,
לוי: מוה"ר ר' יואל ברא"י ווייס הי"ו,
שלישי: החתן אשר לעמיל ב"ר אברהם משה לאנדא ני"ו - באווארפן,
רביעי: הרה"ח ר' יעקב שמואל טייטלבוים הי"ו,
חמישי: הרה"ח ר' יצחק דוד לאנדא הי"ו,
שישי: הר"ר משה אלי' גראס שליט"א,
שביעי: הרב אהרן הערש וועבער הי"ו - פ"ר דקהילתינו הק',
גלילה: מוה"ר יודל טייטלבוים הי"ו,
מפטיר - זכור: הגה"צ אבדק"ק ור"מ שליט"א, דער רב האט געזאגט די לשם יחוד און געליינט די קריאה מיט א שטארקע התעוררות.

צו תפילת מוסף איז צוגעגאנגען הרה"ח ר' אליעזר ווייס הי"ו - ק"י,
נאכ'ן דאווענען איז דער ציבור אריבער זאגן גוט שבת,
דערנאך איז דער רב אריבער אין היכל מאיר זעליג צו די קידוש לרגל די עלי' לתורה פון החתן אשר לעמיל ב"ר אברהם משה לאנדא ני"ו, און דער רב האט אנגעוואונטשן פאר די בעלי שמחה,
ארום 12:35 האט דער רב פארלאזט דעם בנין הביהמ"ד אויפ'ן וועג אהיים לביתו.