🌴 בצל מורינו 🌴

🌴בצל מורינו🌴
= דינסטאג פרשת תצוה =

ארום 7:10 אינדערפרי האט הגה"צ אבדק"ק ור"מ שליט"א פארגעלערנט דעם טעגליכן שיעור בחבורת יסודי התורה אין חדר א' בבית מדרשינו הגדול,
דער רב האט פארגעלערנט מסכת קידושין דף י"ב ע"ב - י"ג ע"א,
מ'האט געענדיגט ארום 7:50, און דער רב איז ארויף בחדרו הפרטי.

ארום 8:00 איז דער רב אנגעקומען אין ישיבה לצעירים,
דער רב איז אריין בחדרו הפרטי וואו דער רב האט געלייגט טלית ותפילין,
ארום 8:45 איז דער רב אריינגעקומען בהיכל הביהמ"ד צו תפילת שחרית,
נאכ'ן דאווענען איז דער רב אריין בחדרו הפרטי,
דער רב האט פארלאזט דעם בנין הישיבה ארום 11:00.

ארום 4:30 נאכמיטאג איז דער רב צוריקגעקומען אין ישיבה לצעירים,
דער רב איז אריין בהיכל הביהמ"ד און זיך אומגעקוקט אויף די לימודים, און דערנאך געלערנט מיט צוויי בחורים בהיכל הביהמ"ד,
ארום 5:45 האט דער רב געדאווענט תפילת מנחה אין חדר דברי יואל בבית המדרש בנין בראך דקהילתינו הק', און דערנאך צוריקגעקומען אין ישיבה לצעירים,
דער רב איז אריין בחדרו הפרטי, און שפעטער ארום 6:45 פארלאזט דעם בנין הישיבה.

אויפדערנאכט האט דער רב מסדר קידושין געווען ביי די חופה פון החתן בן מוה"ר אברהם ברז"ל גליק הי"ו עב"ג הכלה בת מוה"ר יואל ברמ"ל גליק הי"ו אין די זאל פון גינת אסתר.

פון דארט איז דער רב אריבער אין בית המדרש בנין בראך דקהילתינו הק' וואו דער רב האט געדאווענט תפילת מעריב.

דערנאך האט זיך דער רב באטייליגט ביי די שמחות פון אנשי שלומינו אין וויליאמסבורג,
ביים חתונה פון החתן בן מוה"ר דוד יושע הירש הי"ו - ב"פ, עב"ג הכלה בת מוה"ר הלל קליין הי"ו אין די זאל פון קאנטינענטאל,
ביים בר מצוה פון הבחור בן מוה"ר יואל פעלבערבוים הי"ו אין די זאלן פון אולם פרענקל.

דערנאך האט זיך דער רב איז ארויסגעלאזט אויפ'ן וועג קיין מאנסי וואו דער רב האט זיך משתתף געווען ביים שמחת החתונה פון אייניקלעך ביי כ"ק אדמו"ר מוויזניץ מאנסי שליט"א און כ"ק אדמו"ר מוויזניץ קייאמישע שליט"א,
החתן בן הרה"צ ר' חיים מאיר האגער שליט"א בן כ"ק אדמו"ר מוויזניץ קייאמישע שליט"א וחתן הגה"צ אבד"ק ראחמיסטריווקא מאנסי שליט"א, עב"ג הכלה בת הרה"צ ר' דוד דוב האגער שליט"א בן כ"ק אדמו"ר מוויזניץ מאנסי שליט"א וחתן כ"ק אדמו"ר משאץ זצ"ל, וואס איז פארגעקומען אין ביהמ"ד הגדול וויזניץ אין מאנסי.

ביים אנקומען האט זיך דער רב באגריסט מיט די געהויבענע זיידעס האדמורי"ם מוויזניץ שליט"א און מיט די איבריגע רבנים אויפ'ן אויבנאן,
עס האט זיך פארמירט א שיינע שמועס מיט די זיידעס האדמורי"ם שליט"א,
האדמו"ר מוויזניץ מאנסי שליט"א האט מכבד געווען דעם רב מיט לחיים, און דער רב האט אנגעוואונטשן פאר'ן חתן, מחותנים און די זיידעס האדמורי"ם והרבנים שליט"א, דערנאך האט זיך דער רב ארויסגעלאזט אין א מחול לצדיקים אינאיינעם מיט די אויבנאן.

פון דארט האט זיך דער רב ארויסגעלאזט אויפ'ן וועג קיין קרית יואל וואו דער רב האט זיך באטייליגט ביי די שמחות פון אנשי שלומינו אין ק"י,
ביים שבע ברכות פון החתן בן מוה"ר יצחק אייזיק פריעדמאן הי"ו - חבר הנהלת קהילתינו הק' ק"י, בן הגה"ח שמואל הכהן פריעדמאן שליט"א - משב"ק, עב"ג הכלה בת הרה"ח ר' משה גאלדבערגער הי"ו, װאס איז פארגעקומען בבית בנו,
און ביים חתונה פון החתן בן מוה"ר עקיבא ווייס הי"ו עב"ג הכלה בת מוה"ר יואל ב"ר יעקב מיטטעלמאן הי"ו אין די זאל פון גינת קליין,
דערנאך האט זיך דער רב ארויסגעלאזט אויפ'ן וועג צוריק קיין וויליאמסבורג.

א גוטן טאג.
~🌴~