🌴 בצל מורינו 🌴

דערנאך האט זיך דער רב באטייליגט ביי די שמחות פון אנשי שלומינו אין וויליאמסבורג,
ביים תנאים פון די מחותנים מוה"ר מנחם יודא שפילמאן הי"ו און מוה"ר שמואל ברוך שטערן הי"ו אין די זאל פון לא שאטאו,
ביים חתונה פון החתן בן מוה"ר שמעון שטערן הי"ו עב"ג הכלה בת מוה"ר אליעזר זוסיא רייז הי"ו אין די זאל פון גינת אסתר,
ביים חתונה פון החתן בן מוה"ר צבי אלימלך גליק הי"ו עב"ג הכלה בת מוה"ר מרדכי יונה ווידער הי"ו אין די זאל פון אימפעריעל.

דערנאך האט זיך דער רב באטייליגט ביים בר מצוה פון הבחור בן מוה"ר יחזקאל דוד בערקאוויטש הי"ו - מראשי הנהלת מוסדותינו הק', אין די זאל פון קאנטינענטאל,
ביים אנקומען האט זיך דער רב באגריסט מיט די זיידעס און די רבנים אויפ'ן אויבנאן,
ר' יחזקאל דוד האט איבערגעגעבן פאר'ן רב א הערליכע לעדערנע באנד פון די נייע ספר 'כתבי יואל' וואס איז ערשינען לרגל די בר מצוה, און עס האט זיך פארמירט א שמועס מיט'ן מו"ל האברך ר' משה קאהן הי"ו,
דער רב האט געמאכט א לחיים און אנגעוואונטשן ברכות לרוב פאר'ן בחור הבר מצוה, פאר'ן טאטן ר' יחזקאל דוד און פאר די זיידעס,
דער רב האט משמיע געווען דברי תורה בעניני בר מצוה און ארומגערעדט בעניני צדקה,
באזונדער האט דער רב ארויסגעברענגט לשבח די פילצאליגע פעולות לטובה פון ר' יחזקאל דוד וואס שטייט כסדר מיט א ברייטע האנט לעזר וסומך לכל קדשי קהילתינו הק', ובפרט יעצט ווען עס איז פארענדיגט געווארן א נייעם בנין בנדבת ר' יחזקאל דוד פאר'ן באנוץ פון די ישיבות קטנות וואס מען האט היינט פריער אין טאג באנייעט צום ערשטן מאל אפרעכטנדיג א סעודת ראש חודש אינאיינעם מיט די מנהלי הישיבות און די מגידי שיעור,
דער רב האט ארומגערעדט בשבח פון די זיידעס מחשובי אנשי שלומינו דקהילתינו הק', און צוגעענדיגט מיט ברכות לרוב.

~🌴~