🌴 בצל מורינו 🌴

🌴בצל מורינו🌴
= דינסטאג פרשת תרומה =

אינדערפרי האט הגה"צ אבדק"ק ור"מ שליט"א געדאווענט תפילת שחרית אינאיינעם מיט די תלמידי ישיבה קטנה דרך התורה און ישיבה קטנה שביל התורה אין ביהמ"ד אמרי נועם אין קרית יואל בראשות אביו הגדול כ"ק מרן רבינו הגה"ק שליט"א, און דערנאך איז פארגעקומען א מסיבת לחיים.

מיר לייגן דא ארויף די באריכט אהערגעשטעלט דורך מערכת בצל הקודש, ותשואות חן חן להם.

דער רבי האט געדאווענט שחרית אין ביהמ"ד אמרי נועם אויף די דזיקוב גאס אינאיינעם מיט תלמידי ישיבה דרך התורה בהנהלת הר"ר יואל אפענהיים שליט"א און ישיבה שביל התורה בהנהלת הר"ר יואל ניימאן שליט"א וועלכע שטייען ביידע בהדרכת הגה"צ אב''ד ור''מ וומ''ס שליט"א,
ביים אנקומען אין ביהמ"ד איז דער רבי צום ערשט אריין בהיכל הביהמ"ד ווי דער רבי האט זיך ארומגעדרייט צווישן די בחורים און זיך אומגעקוקט אויף די לימודים מיט א שטארקע קורת רוח.

נאכן דאווענען איז פארגעקומען א מסיבת לחיים בהיכל הביהמ"ד,
מען האט געזינגען עטליכע ניגונים און דער רבי האט געמאכט א לחיים און אנגעוואונטשן פאר בנו הגה"צ אב''ד ור"מ שליט"א, פאר די מנהלים שליט"א, און פאר אלע תלמידי הישיבה,
דערנאך האט דער רבי משמיע געווען דב"ק אויפן פסוק 'ויקחו לי תרומה' וואס די בעל הטורים זאגט אז תרומה איז די אותיות תורה מ', און די אמרי נועם זאגט אז ס'איז בגי' קול תפילה, און דער רבי האט ארויסגעברענגט לשבח פון די ישיבה אז מען לייגט גאר א שטארקע דגוש, אויפצושטיין פארטאגס און לערנען פארן דאווענען, און מיט דעם איז מען מקיים ביידע סיי תורה און סיי תפילה ווייל א תפילה נאכן לערנען האט סאך א גרעסערע כח,
דער רבי האט ארויסגעברענגט די מעלה פון אוועקפארן פונדערהיים צו א ישיבה, וויבאלד ווען מ'איז אינדערהיים איז שווערער צו לערנען אזויווי די וועלט זאגט ו"הם" לא ידעו דרכי, און מאריך געווען בשבח פון די ישיבה, ויקחו לי תרומה זאגט רש"י אז תרומה מיינט הפרשה זיך אפשיידן, אז מען פארט אוועק לערנען איז מען אויסגעטוהן און אפגעשיידט פון די וועלט, מ'האלט נישט מיט די נארישקייטן, מ'שווימט אין ים התלמוד, נאר אזוי קען מען עוסק זיין בתורה ותפילה,

דער רבי האט ממשיך געווען מיט דברי הדרכה לימי הפורים זאגענדיג אז מדארף זיכער מאכן צו בלייבן מיט א הפרשה, נישט זינגען קיין נישט ערליכע ניגונים זיך אויפפירן איידל ווי עס פאסט פאר ערליכע בחורים וכדו',
דער רבי האט מסיים געווען זאגענדיג אז מהאלט שוין ביי חודש אדר און יעדער דארף זיך מאכן א חשבון וואס מהאט שוין אויפגעטוהן זייט חודש חשון און איבערחזרן אלע לימודים וואס מ'האט געלערנט דעם גאנצן זמן, כדי סוף זמן זאל מען האבן קונה געווען די לימודים,
און דער רבי האט פארענדיגט בברכת קדשו פאר הגה"צ אב"ד ור"מ שליט"א, פאר די מנהלים שליט"א און פאר אלע בחורים.

מ'האט געענדיגט ארום 12:30, און דער רב האט פארלאזט דעם בנין הביהמ"ד.

אין די פארנאכטס שעות האט זיך דער רב ארויסגעלאזט אויפ'ן וועג קיין וויליאמסבורג.

ארום 9:15 אויפדערנאכט האט דער רב געדאווענט תפילת מעריב אין חדר ד' בבית מדרשינו הגדול אין וויליאמסבורג.

דערנאך האט זיך דער רב באטייליגט ביי די שמחות פון אנשי שלומינו אין וויליאמסבורג,
ביים תנאים פון די מחותנים מוה"ר יוסף חיים טרעביטש הי"ו און מוה"ר אבא חייא ניישטאדט הי"ו אין די זאלן פון פרדס יואל, וואו דער רב האט געליינט תנאים,
ביים תנאים פון די מחותנים הר"ר וואלף בער רעטעק שליט"א און מוה"ר יעקב קאהן הי"ו אין די זאל פון כתר צבי, וואו דער רב האט געליינט תנאים,
ביים תנאים פון די מחותנים דער אבי החתן הר"ר יצחק טובי' מייזליש שליט"א - ב"פ, בן הגה"צ ר' יעקב ישראל שליט"א - אב"ד באבוב בת ים, וחתן הרה"ג ר' אלי' קופערמאן שליט"א - אב"ד סאכאטשוב, און דער אבי הכלה הר"ר מאיר יוסף גרויס שליט"א בן הרה"צ ר' אלי' שליט"א - מ'קערעסטיר בערבעשט, וחתן הר"ר יעקב צבי פריעדמאן שליט"א, אין די זאלן פון עדן לאנדא.

א גוטן טאג.
~🌴~