🌴 בצל מורינו 🌴

🌴בצל מורינו🌴
= מיטוואך פרשת משפטים =

ארום 7:10 אינדערפרי האט הגה"צ אבדק"ק ור"מ שליט"א פארגעלערנט דעם טעגליכן שיעור בחבורת יסודי התורה אין חדר א' בבית מדרשינו הגדול,
דער רב האט פארגעלערנט מסכת קידושין דף ז' ע"ב - ח' ע"א,
מ'האט געענדיגט ארום 7:50.

ארום 8:00 איז דער רב אנגעקומען אין ישיבה לצעירים,
דער רב איז אריין בחדרו הפרטי וואו דער רב האט געלייגט טלית ותפילין,
ארום 8:45 איז דער רב אריינגעקומען בהיכל הביהמ"ד צו תפילת שחרית,
נאכ'ן דאווענען איז דער רב אריין בחדרו הפרטי,
דער רב האט פארלאזט דעם בנין הישיבה ארום 11:20.

ארום 6:45 אויפדערנאכט האט דער רב געדאווענט תפילת מעריב אין חדר ד' בבית מדרשינו הגדול,
דערנאך האט דער רב מסדר קידושין געווען ביי די חופה פון החתן בן מוה"ר יקותיאל הערש ווייס הי"ו - מאנטריאל, עב"ג הכלה בת הר"ר נפתלי הירצקא ברא"ו פריעדמאן שליט"א אין די זאל פון ויואל משה.

שפעטער האט זיך דער רב באטייליגט ביי די שמחות פון אנשי שלומינו אין וויליאמסבורג,
ביי די חתונה פון החתן בן מוה"ר יוסף שפיטצער הי"ו - ב"פ, עב"ג הכלה בת מוה"ר יואל ברא"י רעטעק הי"ו אין די זאל פון קאנטינענטאל,
ביי די בר מצוה פון הבחור הבר מצוה בן מוה"ר יחיאל גוטמאן הי"ו אין די זאלן פון מנוחה ושמחה.

דער רב איז געווען אויף ניחום אבלים ביי משפחת גאלדבערגער היושבים ע"פ אביהם הרה"ח ר' מנחם מענדל גאלדבערגער ע"ה,
עס האט זיך פארמירט א שיינע שמועס, און דער רב האט מנחם געווען די אבלים.

באזונדער האט דער רב באשיינט דעם שמחת החתונה פון החתן בן כ"ק אדמו"ר מטארנא שליט"א, עב"ג הכלה בת הגה"צ ר' חיים מאיר האגער שליט"א - ר"י וויזניץ וויליאמסבורג, בנו יחידו של כ"ק אדמו"ר מ'וויזניץ וויליאמסבורג שליט"א, וחתן כ"ק אדמו"ר מ'וויזניץ בית שמש שליט"א, וואס איז פארגעקומען אין בית המדרש הגדול דקהל תורת חיים וויזניץ אין וויליאמסבורג,
דער רב האט געמאכט א לחיים און אנגעוואונטשן ברכות לרוב פאר'ן חתן, מחותנים און געהויבענע זיידעס,
דערנאך האט זיך דער רב ארויסגעלאזט אין א ריקוד מיט'ן חתן, און מיט די מחותנים און געהויבענע זיידעס.

א גוטן טאג.
~🌴~