🌴 בצל מורינו 🌴

🌴בצל מורינו🌴
= דאנערשטאג פרשת יתרו - חמשה עשר בשבט =

ארום 7:10 אינדערפרי האט הגה"צ אבדק"ק ור"מ שליט"א פארגעלערנט דעם טעגליכן שיעור בחבורת יסודי התורה אין חדר א' בבית מדרשינו הגדול,
דער רב האט פארגעלערנט מסכת קידושין דף ה' ע"ב,
מ'האט געענדיגט ארום 7:45.

ארום 8:15 איז דער רב אנגעקומען אין ישיבה לצעירים,
דער רב איז אריין בחדרו הפרטי וואו דער רב האט געלייגט טלית ותפילין,
ארום 9:15 איז דער רב אריינגעקומען בהיכל הביהמ"ד צו תפילת שחרית,
נאכ'ן דאווענען איז דער רב אריין בחדרו הפרטי.

ארום 11:15 איז דער רב אריינגעקומען בהיכל הביהמ"ד און אפגעראכטן א מסיבת לחיים לכבוד חמשה עשר,
מ'האט געזינגען ניגוני דביקות ושמחה פאר א לענגערע צייט,
דער רב האט געמאכט א לחיים און אנגעוואונטשן פאר די בחורי ורמ"י הישיבה.

דער רב האט טועם געווען פירות פון די שבעת המינים, און אתרוג קאמפאט כנהוג, און מען האט ממשיך געווען מיט ניגוני התרוממות ודביקות.

דערנאך האט דער רב משמיע געווען דברי תורה און ארומגערעדט איבער עניני חמשה עשר און איבער די מזל פון חודש שבט,
דער רב האט ארומגערעדט איבער די ימי השובבי"ם, און איבער די גרויסקייט פון זאגן תהילים אין די יעצטיגע טעג, און דער רב האט אויפגעפאדערט די בחורים מ'זאל זיך צוזאמקומען פרייטאג פארטאגס די קומענדיגע צוויי וואכן אין ישיבה צו זאגן תהילים אינאיינעם,
דער רב האט מסיים געווען מיט ברכות לרוב פאר אלע בחורים, און געזאגט אז 'חמשה עשר' איז די אותיות 'שער שמחה', דער אייבערשטער זאל העלפן סזאל זיך עפענען די שערי שמחה פאר יעדן איינעם,
מ'האט געענדיגט ארום 12:15 און דער רב האט פארלאזט דעם בנין הישיבה.

ארום 5:00 האט דער רב געדאווענט תפילת מנחה אין חדר ב' בבית מדרשינו הגדול.

דערנאך איז דער רב אריבער אויף א באזוך בהיכל הכולל אין ביהמ"ד הגדול,
דער רב האט זיך אומגעקוקט אויף די לימודים פאר א שטיק צייט מיט א שטארקע קורת רוח און הנאה, און דער רב האט זיך מפלפל געווען אין לערנען מיט די ראשי הכוללים.

פון דארט איז דער רב ארויף אין עזרת נשים וואו דער רב האט אפגעראכטן א מסיבה לכבוד חמשה עשר בשבט אינאיינעם מיט די תלמידי שיעור ג' פון אלע סניפי ישיבה קטנה דמוסדותינו הק' אין וויליאמסבורג.

צום ערשט האט מען געזינגען ווארימע ניגונים, ניגוני חמשה עשר,
דער רב האט געמאכט א לחיים און אנגעוואונטשן פאר די רמ"י הישיבה און פאר אלע בחורים,
דערנאך האט דער רב טועם געווען פירות פון די שבעת המינים און אתרוג קאמפאט כנהוג, און מען האט ממשיך געווען מיט עטליכע ניגונים.

דערנאך האט דער רב משמיע געווען א דרשה פאר די בחורים,
דער רב האט ארומגערעדט איבער פארשידענע מנהגים פון חמשה עשר, און איבער די מזל פון חודש שבט,
דער רב האט ממשיך געווען אז ס'איז שוין שלושים יום קודם החג פון יו"ט פורים הבעל"ט, און מ'דארף שוין אנהייבן מאכן א ריכטיגע הכנה צום הייליגן יו"ט,
דער רב האט אויפגעפאדערט אלע בחורים אז פון יעצט ביז פורים זאל מען לערנען א בלאט גמרא פון מסכת מגילה אזוי וועט די גאנצע יו"ט אויסזעהן אנדערש, און דער רב האט מסיים געווען מיט ברכות לרוב פארן גאנצן ציבור,
מען האט געענדיגט ארום 6:30.

דערנאך האט דער רב געדאווענט תפילת מעריב אין חדר ב' בבית מדרשינו הגדול.

אויפדערנאכט האט זיך דער רב באטייליגט ביי די שמחות פון אנשי שלומינו אין וויליאמסבורג,
ביים חתונה פון החתן בן מוה"ר יצחק בער ווירצבערגער הי"ו עב"ג הכלה בת מוה"ר יואל אלתר גאלדבערגער הי"ו אין די זאל פון גינת אסתר,
ביים וואכנאכט לבן הנולד אצל ר' יואל נפתלי לאנדא הי"ו,
און ביים וואכנאכט לבן הנולד אצל ר' יואל ברא"י ווערצבערגער הי"ו.

א גוטע נאכט.
~🌴~