🌴 בצל מורינו 🌴

🌴בצל מורינו🌴
= שבת קודש פרשת וארא - מבה"ח שבט =

ערב שבת קודש ארום 4:45 איז דער רב אריינגעקומען בהיכל בית המדרש בית מנחם צבי דקהילתינו הק', דער רב האט געזאגט שיר השירים און תהילים,
ארום 5:35 האט דער רב יורד געווען לפני התיבה צו תפילת מנחה.

פאר קבלת שבת האט דער רב משמיע געווען א דרשה,
דער רב האט ארומגערעדט בגודל קדושת שבת קודש און נאכגעזאגט פונעם רבי'ן ז"ל אז ווען מ'רעדט צו א מענטש שבת, קען מען זאגן אפילו זאכן וואס ער וואלט נישט געהערט א גאנצע וואך,
דער רב האט ארויסגעברענגט אז ס'איז דא מענטשן וואס שבת איז זיי א געשמאק, און ס'איז דא וואס שבת איז ביי זיי איסורים,
דער רב האט עס מסביר געווען מיט א משל פון אן עראפלאן און אזוי אויך ביים דרייוון, וואס ס'איז דא געוויסע זאכן וואס מ'מעג נישט טוהן, אבער מיט דעם אלעם ווילן מענטשן פארן דערמיט ווייל אזוי קומט מען אן צום ציהל, די זעלבע זאך שבת קודש איז דא זאכן וואס מען טאר נישט טוהן, אבער דאס איז כדי צוצוקומען צו א ציהל, מ'ווערט העכער און דערהויבן דורכדעם.

אזוי אויך האט דער רב ארויסגעברענגט אז ביי עראפלאן ווען מען וואלט נישט פארקויפט די טיקעטס פון פאראויס, וואלט ווען יעדער דארט געווען פרי צו באקומען א בעסערע פלאץ,
שבת קודש ווער ס'קומט פריער, איז זוכה צו גרעסערע השפעות, ממילא זאל מען זעהן אנצוקומען צייטליך צום שבת, זיין צייטליך ביים דאווענען און מיטהאלטן פון אנפאנג,
דער רב האט צווישן אנדערע געזאגט אז אין זוהר הקדוש שטייט א סגולה אז מ'זאגט אמן ווערט מען געהאלפן מיט אלעם, כאטשיג שבת קודש ווען מ'יאגט זיך נישט צו די ארבעט זאל מען זעהן צו זיין ביי ברכות, און דער רב האט צוגעענדיגט מיט ברכות לרוב.

נאכ'ן דאווענען איז דער גאנצער ציבור אריבער זאגן גוט שבת, מ'האט געענדיגט ארום 7:15 און דער רב איז אהיים לביתו.

= התוועדות ליל שבת קודש =

ארום 9:45 איז דער רב אריינגעקומען אין היכל מאיר זעליג בבית מדרשינו הגדול צום התוועדות ליל שב"ק,
דער רב האט טועם געווען חלה און אנגעהויבן עטליכע ניגוני שבת און ניגונים פונעם בעל התניא וואס די יארצייט איז געפאלן דעם פארגאנגענעם וואך,
דער רב האט דערציילט עטליכע סיפורי צדיקים משולב בדברי תורה על פרשת השבוע.

מיט כל מקדש האט דער רב מכבד געווען: הרה"ח ר' חיים הערש שווארץ הי"ו - מנהל בית האופה דקהילתינו הק',
דערנאך האט דער רב דערציילט עובדות וסיפורים פון הרה"ק הבעל התניא זי"ע וועמענס יארצייט איז אויסגעפאלן דעם פארגאנגענעם פרייטאג וארא - כ"ד טבת,
דער רב האט טועם געווען קוגל און מ'האט פארטיילט פאר'ן ציבור,
דערנאך האט דער רב געמאכט א לחיים און געוואונטשן פאר'ן גאנצן ציבור.

דער רב האט אנגעהויבן מנוחה ושמחה,
דערנאך האט דער רב משמיע געווען דברי תורה,
דער רב האט זיך געשטעלט אויפ'ן פסוק 'וארא אל אברהם וגו' ושמי השם לא נודעתי להם' און עס אויסגעטייטשט בדרך דרוש ופלפול.

מען האט אויפגעגעבן לעבער,
מיט קה אכסוף האט דער רב מכבד געווען: הרה"ג ר' יחזקאל היילברון שליט"א - מו"ץ,
ברכת המזון: הרה"ח ר' חיים יאקאב הי"ו,
דערנאך האט דער רב דערציילט עובדות וסיפורים פון הרה"ק המהר"ם שיק זי"ע וועמענס יארצייט געפאלט דעם קומענדיגן דאנערשטאג - ר"ח שבט.

מ'האט אויפגעגעבן פירות און דער רב האט פארטיילט פאר די פרישע חתנים,
דערנאך איז דער ציבור אריבער זאגן גוט שבת, מ'האט געענדיגט ארום 11:30 און דער רב איז אהיים לביתו.

= וביום השבת קודש =

ארום 9:30 איז דער רב אריינגעקומען בהיכל בית מדרשינו הגדול צו תפילת שחרית,
ברכות ופסוקי דזמרה: ר' יודא לייב ווייס הי"ו,
שחרית: ר' יושע פרענקל הי"ו.

ביים ליינען זענען נתכבד געווארן:
הוצאה והכנסה: מוה"ר אברהם מייער הי"ו,
בעל קורא: הרה"ח ר' יודל ווערצבערגער הי"ו,
כהן: הרה"ח ר' הערשל כ"ץ הי"ו,
שלישי: החתן אליעזר דוד ב"ר נחמן שלאגער ני"ו,
רביעי: הרה"ח ר' חיים יושע פריינד הי"ו,
חמישי: הרה"ח ר' אהרן משה שלאגער הי"ו ,
שישי: הגה"צ אבדק"ק ור"מ שליט"א,
שביעי: הר"ר אשר אנשיל שעהר שליט"א,
אחרון: מוה"ר נחמן שלאגער הי"ו,
הגבה: מוה"ר מאיר מנחם בראך הי"ו,
נאכ'ן ליינען האט דער רב ראש חודש געבענטשט מיט גרױס התעוררות,
צו תפילת מוסף איז צוגעגאנגען הרה"ח ר' הערשל כ"ץ הי"ו,
נאכ'ן דאווענען איז דער ציבור אריבער זאגן גוט שבת,
מ'האט געענדיגט ארום 12:20, און דער רב איז אהיים לביתו.