🌴 בצל מורינו 🌴

🌴בצל מורינו🌴
= מאנטאג פרשת וארא =

ארום 7:10 אינדערפרי האט הגה"צ אבדק"ק ור"מ שליט"א פארגעלערנט דעם טעגליכן שיעור בחבורת יסודי התורה אין חדר א' בבית מדרשינו הגדול,
דער רב האט פארגעלערנט מסכת גיטין דף פ"ד ע"ב - פ"ה ע"א,
מ'האט געענדיגט ארום 7:50.

ארום 8:00 איז דער רב אנגעקומען אין ישיבה לצעירים,
דער רב איז אריין בחדרו הפרטי וואו דער רב האט געלייגט טלית ותפילין,
ארום 8:45 איז דער רב אריינגעקומען בהיכל הביהמ"ד צו תפילת שחרית,
פאר'ן דאווענען האט דער רב תפילין געלייגט פאר הבחור הבר מצוה ב"ר משה בראך הי"ו.

נאכ'ן דאווענען איז פארגעקומען א לחיים מיט'ן בר מצוה בחור בחדרו הפרטי, עס האט זיך פארצויגן א שיינע שמועס, דער רב האט ארומגערעדט בעניני קדושת התפילין און געבעטן דעם בר מצוה זיך אונטערצונעמען נישט צו רעדן מיט קיין תפילין, דער רב האט געמאכט א לחיים און אנגעוואונטשן ברכות לרוב פאר'ן בר מצוה בחור און פאר'ן טאטן,
דער רב האט פארלאזט דעם בנין הישיבה ארום 11:45.

אויפדערנאכט האט דער רב מסדר קידושין געווען ביים חופה פון החתן בן הרה"ח ר' נחמן שלאגער הי"ו עב"ג בת הרה"ח ר' אברהם מאיער הי"ו אין די זאל פון קאנטינענטאל.

שפעטער ביינאכט האט זיך דער רב באטייליגט ביי די שמחות פון אנשי שלומינו אין וומ"ס.

א גוטע נאכט.
~🌴~