🌴 בצל מורינו 🌴

🌴בצל מורינו🌴
= דינסטאג פרשת מקץ =

ארום 7:10 אינדערפרי האט הגה"צ אבדק"ק ור"מ שליט"א פארגעלערנט דעם טעגליכן שיעור בחבורת יסודי התורה אין חדר א' בבית מדרשינו הגדול,
דער רב האט פארגעלערנט מסכת גיטין דף ע"ה ע"ב - ע"ו ע"ב,

מ'האט געענדיגט ארום 7:50.

ארום 8:00 איז דער רב אנגעקומען אין ישיבה לצעירים,
דער רב איז אריין בחדרו הפרטי וואו דער רב האט געלייגט טלית ותפילין,
ארום 8:45 איז דער רב אריינגעקומען בהיכל הביהמ"ד צו תפילת שחרית,
פאר'ן דאווענען האט דער רב געלייגט תפילין פאר הבחור בן מוה"ר יואל משה גלויבער הי"ו,
נאכ'ן דאווענען איז פארגעקומען א מסיבת לחיים בחדרו הפרטי,
עס האט זיך פארמירט א שיינע שמועס איבער די זכרונות פון די ישיבה וואס דער רב שליט"א האט געפירט וואוינענדיג אין אנטווערפן,
דער רב האט ארומגערעדט בעניני תפילין, און געבעטן דעם בר מצוה בחור זיך מקבל צו זיין נישט צו רעדן מיט קיין תפילין, און דערנאך אנגעוואונטשן ברכות לרוב,
דער רב האט פארלאזט דעם בנין הישיבה ארום 11:45.

ארום 5:25 נאכמיטאג האט דער רב געדאווענט תפילת מנחה אין חדר ב' בבית מדרשינו הגדול.

אויפדערנאכט האט זיך דער רב באטייליגט ביים בר מצוה פון הבחור בן מוה"ר ישעי' שעהר הי"ו אין די זאלן פון פרדס יואל.


א גוטע נאכט.
~🌴~