🌴 בצל מורינו 🌴

🌴בצל מורינו🌴
= מיטוואך פרשת ויצא =

ארום 8:00 אינדערפרי איז הגה"צ אבדק"ק ור"מ שליט"א אנגעקומען אין בנין ישיבה קטנה בשבילי התורה בהנהלת הר"ר יואל ניימאן שליט"א, וועלכע געפינט זיך אין די בלומענבורג געגנט, וואו דער רב האט געדאווענט תפילת שחרית אינאיינעם מיט די תלמידי הישיבה,
נאכ'ן דאווענען ארום 9:15 האט זיך דער רב ארויסגעלאזט אויפ'ן וועג קיין קרית יואל.

ארום 10:00 איז דער רב אנגעקומען אין ביהמ"ד ברכת נפתלי צאנז אין ק"י וואו עס איז פארגעקומען די ברית לבן הנולד אצל מוה"ר ישראל יעקב זילבערשטיין הי"ו,
ביים אנקומען האט זיך דער רב באגריסט מיט'ן מוהל גיסו הגה"צ ר' ברוך טייטלבוים שליט"א - רב ביהמ"ד ברך משה ק"י און הרה"ג ר' קלמן הלברשטאם שליט"א - רב ביהמ"ד צאנז ק"י ומנהל ישיבה גדולה סניף קדושת יואל, עס האט זיך פארמירט א שיינע שמועס,
דער רב איז מכובד געווארן מיט סנדקאות און געזאגט די ברכות,
נאכ'ן ברית האט דער רב אנגעוואונטשן פאר די בעלי שמחה, און דער רב האט פארלאזט דעם בנין הביהמ"ד.

ארום 11:15 פארמיטאג איז דער רב אנגעקומען צום סעודת ברית וואס איז פארגעקומען אין שטוב פונעם זיידן הרה"ח ר' מרדכי הערש פארקאש הי"ו,
עס האט זיך פארמירט א שיינע שמועס,
דער רב האט געמאכט א לחיים און ווארעם אנגעוואונטשן פאר די בעלי שמחה,
דער רב האט מכבד געווען הרה"ג ר' קלמן הלברשטאם שליט"א אויפצוטרעטן בדברי תורה לכבוד השמחה,
דערנאך האט דער רב משמיע געווען קורצע דברי תורה בעניני ברית מילה און מסיים געווען מיט ברכות לרוב.

אין די שפעטע נאכמיטאג שעות האט זיך דער רב ארויסגעלאזט אויפ'ן וועג צוריק קיין וויליאמסבורג.

אויפדערנאכט ארום 7:00 האט דער רב מסדר קידושין געווען ביים חופה פון החתן בן הר"ר יואל בר"י ראזענפעלד שליט"א עב"ג הכלה בת הר"ר יואל ברמ"ב פאוועל שליט"א אין די זאל פון גינת אסתר.

ארום 9:45 האט דער רב געדאווענט תפילת מעריב אין חדר ד' בבית מדרשינו הגדול.

דערנאך האט זיך דער רב באטייליגט ביי די שמחות פון אנשי שלומינו אין וויליאמסבורג.

א גוטע נאכט.
~🌴~