🌴 בצל מורינו 🌴

🌴בצל מורינו🌴
= מאנטאג פרשת ברכה ב' =

ארום 7:10 אינדערפרי האט דער רב פארגעלערנט דעם טעגליכן שיעור בחבורת יסודי התורה אין חדר א' בבית מדרשינו הגדול,
דער רב האט פארגעלערנט מסכת גיטין דף נ"ה ע"א,
מ'האט געענדיגט ארום 7:50.

אום 9:00 האט דער רב געדאווענט תפילת שחרית אין חדר א'.

פארנאכטס האט דער רב געדאווענט תפילת מנחה, און דערנאך תפילת מעריב בזמן רבינו תם בבית מדרשינו הגדול,
נאך מעריב איז דער רב אריבער צום שאטער וואס איז באנוצט געווארן במשך די ימים נוראים פאר א צוגעלייגטן פליגל פון קרוב צו טויזנט זיצן,
דער רב האט האט זיך אומגעקוקט אויף די בוי ארבעט נאך וואס עס ווערט אין די יעצטיגע טעג צוגערישט פאר א גיגאנטישן סוכה הגדולה פארנט פון בית מדרשינו הגדול וואו עס וועלן פארקומען די שמחת בית השואבה און של"ס בראשות דעם רב שליט"א, און אזוי אויך דינען אלץ היכל התורה במשך די ימי חג הסוכות,
דער רב האט באזונדער איבערגעקוקט וויאזוי מ'האט געלייגט די סכך, נאך וואס על פי די הוראה פונעם רב האט מען עס נישט געלייגט שיעף אזויווי מ'לייגט געווענליך אין א שאטער, דערביי האט דער רב אנגעוויזן פארשידענע הוראות אויף ווייטער.

אויפדערנאכט האט זיך דער רב באטייליגט ביים שמחת התנאים פון החתן בן הרה"ח ר' יעקב הלל ליכטנשטיין הי"ו עב"ג הכלה בת הרה"ח ר' יצחק שווארץ הי"ו - פטרון מסגרת תורתך שעשועי דקהלתינו הק',
דער רב האט געליינט תנאים, און דערנאך געמאכט א לחיים, און אנגעוואונטשן ברכות לרוב פאר'ן חתן, מחותנים און זיידעס.

א גוטן טאג.
~🌴~