🌴 בצל מורינו 🌴

🌴בצל מורינו🌴
= דאנערשטאג פרשת בראשית =

אינדערפרי ארום 9:15 איז הגה"צ אבדק"ק ור"מ שליט"א אנגעקומען אינעם המספיק רעזארט אין די קעטסקילס וואו עס איז פארגעקומען די 'יום לחתנים' פאר די הונדערטער חתנים דקהלתינו הק' פון איבער גרעיטער ניו יארק און ניו דזשערסי וועלכע האבן חתונה דעם קומענדיגן ווינטער הבעל"ט,
ארום 9:45 איז דער רב אריינגעקומען אין די זאל פון עטרת ווערטהיימער צו תפילת שחרית אינאיינעם מיט די הונדערטער חתנים,
ביים ליינען האט דער רב עולה געווען שלישי.

נאך א הפסקה ארום 11:45 איז דער רב אריינגעקומען אינעם זאל און משמיע געווען דעם צענטראלן דרשה פאר די חתנים,
דער רב האט ארומגערעדט א לענגערע צייט דברי הדרכה פאר די חתנים וויאזוי זיך צו גרייטן צום יום החופה און מסיים געווען מיט ברכות לרוב,
דער רב האט געענדיגט די דרשה ארום 1:20, און פארלאזט דעם רעזארט אויפ'ן וועג קיין קרית יואל.

ארום 6:55 נאכמיטאג האט דער רב געדאווענט תפילת מנחה אין ביהמ"ד הגדול.

נאך מנחה איז דער רב אריבער אין שטוב פון הרבני הנגיד ר' משה חיים גאלדשטיין הי"ו וואו עס איז פארגעקומען א כתיבת האותיות אינעם ספר וואס ווערט געשריבן דורך הרה"ח ר' משה חיים הי"ו און ווערט אריינגעגעבן דעם שב"ק בראשית אין המספיק רעזארט אין די קעטסקילס,
דער רב האט אריינגעשריבן עטליכע אותיות אינעם ספר תורה,
מען האט געזינגן עטליכע ניגוני תורה,
דער רב האט געמאכט א לחיים און ווארעם אנגעוואונטשן פאר הרה"ח ר' משה חיים הי"ו ובני משפחתו,
דערנאך האט דער רב פארלאזט דעם שטוב אויפן וועג אהיים קיין וויליאמסבורג.

ארום 9:30 אויפדערנאכט האט דער רב געדאווענט תפילת מעריב אין ביהמ"ד הגדול.

דערנאך האט זיך דער רב באטייליגט ביים בר מצוה פון בן מוה"ר בעריש ליכטמאן הי"ו אין די זאלן פון אולם פרענקל,
ביים תנאים פון די מחותנים מוה"ר בנימין אהרן ביקסענשפאן הי"ו און מוה"ר נחמי' מארקאוויטש הי"ו אין די זאלן פון אולם פרענקל,
ביים תנאים פון די מחותנים מוה"ר יעקב יואל באנדא הי"ו און מוה"ר פנחס יואל מאנדעל הי"ו אין די זאל פון פרדס פיגא.

א גוטן טאג.
~🌴~