🌴 בצל מורינו 🌴

🌴בצל מורינו🌴
= יו"ט ראש השנה שנת תשפ"ז בצל הגה"צ אבדק"ק ור"מ שליט"א ברוב פאר והדר בקרב קהלתינו הק' אין וויליאמסבורג =

עריו"ט פארנאכטס אום 7:35 איז דער רב אריינגעקומען בהיכל בית מדרשינו הגדול און צוגעגאנגען צום עמוד צו תפילת מנחה און פארגעדאווענט די לעצטע תפילה פונעם יאר מיט גרויס התעורורות ובכיות,
דערנאך האט מען געזאגט דעם פיוט 'אחות קטנה' כנהוג.

נאך מנחה איז פארגעקומען די יערליכע מגבית פאר'ן "כולל תורה ויראה" וומ"ס מיט אירע אריבער 800 לומדי הכולל, עס האט אויפגעטרעטן הרה"ג ר' יואל הערש קאהן שליט"א - מו"ץ בקהילתינו הק' ומרבני כוללינו,
ארום 8:25 האט מען אנגעהויבן קבלת שבת ותפילת מעריב,
דער רב איז צוגעגאנגען צום עמוד און פארגעדאווענט די ערשטע תפלה פונעם יאר ברשפי אש קודש,
מזמור לדוד הבו לה' האט דער רב פארגעזאגט פסוק בפסוק כמנהג סיגוט,
נאך מעריב האט דער רב פארגעזאגט 'לדוד מזמור' בהתלהבות אש קודש, מען האט געענדיגט ארום 9:15.

נאכן דאווענען האט דער רב אנגעוואונטשן 'לשנה טובה' פאר די רבני ודייני קהילתינו הק' אויפ'ן אויבנאן,
דערנאך איז דער גאנצער ציבור אריבער וואו דער רב האט יעדן ווארעם אנגעוואונטשן בצהלת פנים,
עס האט זיך פארצויגן פאר א לאנגע צייט קרוב צו צוויי שעה ווען דערביי האט זיך אנגעזעהן א ריזן ציבור אנשי שלומינו, זקנים עם נערים ובראשם רבני ודייני העיר, וואס זענען געקומען פון נאנט און ווייט זיך צו וואונטשן 'לשנה טובה' ביים רב,
דערנאך איז דער רב אהיים לביתו.

= יום א' דראש השנה =

ארום 8:00 אינדערפרי איז דער רב אריינגעקומען בהיכל בית מדרשינו הגדול צו תפילת שחרית,
דער רב האט פארגעזאגט ברכות, און דערנאך האט דער בעל תפילה אנגעהויבן זינגען אדון עולם,
בעל תפילה פסוקי דזמרה: הרה"ג ר' אברהם וואלף שנעבאלג שליט"א - מו"ץ ביהמ"ד אור ישראל אלימלך דקהילתינו הק',
שחרית: הרה"ג ר' אלתר טייטלבוים שליט"א - ר"מ בישיבתינו הק' ק"י.

דער רב איז געווען בעל קורא און פארגעליינט בהתעוררות רב אנגעטוהן מיט'ן קיטל און ווייסע קאפל,
ביים ליינען זענען מכובד געווארן:
כהן: הגה"צ ר' יואל גלאנץ שליט"א - מו"ץ בקהילתינו הק',
לוי: הרה"ח ר' דוד שטיינבערג הי"ו,
שלישי: הרה"ח ר' אלי' לייב ראזענבערג הי"ו,
רביעי: הרה"ח ר' דוד ארי' באש הי"ו,
חמישי: הרה"ח ר' דוד יודא מאטצען הי"ו,
שישי: הגה"צ אבדק"ק ור"מ שליט"א,
דערביי האט דער רב געמאכט א מי שברך וקריאת השם לבת הנולדה אצל ר' יוסף בראך הי"ו און דער רב האט אנגעוואונטשן ברכות לרוב,
שביעי: הרה"צ הישיש ר' ירמי' טייטלבוים שליט"א,
הגבה אויף די ערשטע ספר: הרה"ח ר' משה דוד גוטמאן הי"ו,
גלילה: הרה"ח ר' אברהם ווערטהיימער הי"ו,
מפטיר: הרה"ח ר' מאיר שטערן הי"ו,
הגבה אויף די צווייטע ספר: הרה"ח ר' חיים פריעדמאן הי"ו,
גלילה: הרה"ח ר' שמחה רעטעק הי"ו,
מען האט געענדיגט ארום 12:30,
עס איז געווען פויזע,
דער רב איז געגאנגען אין מקוה, און דערנאך אריין בחדרו הפרטי.

ארום 1:15 איז דער רב אריינגעקומען בהיכל הביהמ"ד מעוטף אינעם טלית פון רביה"ק בעל דברי יואל זי"ע, געברענגט דורך הרה"ח ר' משה פאלקאוויטש הי"ו,
דער רב איז ארויף אויפ'ן ארון קודש און מתפלל געווען א תפילה חרישות, און אנגעהויבן די פייערדיגע דרשה,
דער רב האט אויסגעטייטשט די פסוק 'ה' האמירך היום' אויף די ענין פון זכרון תרועה, אז שבת ווען מ'בלאזט נישט קיין שופר ווערט די פסוקי שופרות נחשב ווי תקיעת שופר, אבער רש"י לייגט צו שהוא לשון תפארת, ווייל דער ישמח משה זאגט שוין אז שבת מוזן די פסוקים געזאגט ווערן מיט א ספעציעלע שיינקייט כדי ס'זאל קענען זיין במקום די תקיעות.

דער רב האט בקול בכי אראפגעלייגט די מצב ווי כלל ישראל געפינט זיך, אז אידן קוקן ארויס אויף ישועות אין אלע ענינים, ובפרט האט דער רב מעורר געווען איבער דעם ענין פון צער גידול בנים, ווען אזויפיל נשמות ווערן נעבעך פארפאלן רח"ל,
דערביי האט דער רב ממליץ טוב געווען אויף כלל ישראל אז אונטער יעדע חטא פון א איד רח"ל קען מען טרעפן רצונות טובות, ווייל יעדע איד וויל באמת זיין גוט און צו דעם שטרעבט ער,
דער רב האט אויסגעפירט אז בעיקר קוקן מיר שוין ארויס אויף די אמת'ע ישועה ווען דער אויבערשטער וועט זיך שוין מרחם זיין אויף אונז און שיקן משיח צדקינו בב"א.