🌴 בצל מורינו 🌴

🌴בצל מורינו🌴
= מאנטאג פרשת האזינו א' - ב' סליחות =

ארום 6:15 באשמורת הבוקר איז הגה"צ אבדק"ק ור"מ שליט"א אריין געקומען צו אמירת סליחות ברוב עם בהיכל ישיבה קטנה סניף דרך התורה,
מען האט געענדיגט ארום 6:45, און דער רב איז אהיים לביתו נעבן ישיבה.

ארום 7:20 איז דער רב צוריקגעקומען אין ישיבה און איז אריין בחדרו הפרטי וואו דער רב האט פארהערט די תלמידי הישיבה שיעור א' אויף שו"ע הלכות קידוש וועלכע האט זיך פארצויגן פאר אריבער א שעה צייט.

ארום 8:45 איז דער רב אריינגעקומען בהיכל הביהמ"ד צו תפילת שחרית אינאיינעם מיט די תלמידי הישיבה,
ביים ליינען האט דער רב עולה געווען שלישי,
נאכן דאווענען האט דער רב געבלאזן שופר און געזאגט פופצן קאפיטלעך תהילים כנהוג אום חודש אלול,
מען האט געענדיגט ארום 10:10.

אין די פארמיטאג שעות זענען אריין בחדרו הפרטי אין ישיבה די תלמידי הישיבה שיעור ג' וועלכע האבן זיך געשטעלט צום פארהער אויף גאנץ מסכת מכות,
דער רב האט פארהערט יעדן בחור באזונדער פאר א לענגערע צייט, עס האט געדויערט עטליכע שעה.

אין די נאכמיטאג שעה'ן ארום 5:30 איז דער רב אנגעקומען אין ישיבה קטנה סניף שביל התורה,
דער רב איז אריין בחדרו הפרטי וואו עס זענען צום ערשט אריין די תלמידי הישיבה שיעור א' און זיך געשטעלט צום פארהער אויף שו"ע הלכות קידוש והבדלה, און דערנאך זענען אריין די תלמידי הישיבה שיעור ב' און זיך געשטעלט צום פארהער אויף שו"ע הלכות בשר וחלב,
דער רב האט פארהערט יעדן בחור באזונדער, עס האט געדויערט אריבער א שעה צייט,
מען האט געענדיגט ארום 6:45 און דער רב איז אהיים לביתו אין קרית יואל.

אויפדערנאכט האט זיך דער רב ארויסגעלאזט אויפ'ן צוריק קיין וויליאמסבורג.

אין וויליאמסבורג האט זיך דער רב באטייליגט ביים תנאים פון די מחותנים מוה"ר זושא וויינבערגער הי"ו און מוה"ר יוסף גליק הי"ו, אין די זאלן פון אולם פרענקל, און דער רב האט געלייענט תנאים,
ביים שבע ברכות פון החתן בן מוה"ר בנציון צאהלער הי"ו עב"ג הכלה בת מוה"ר שלמה זלמן גראס הי"ו אין די זאל פון אולם פרענקל,
ביים וואכנאכט לבן הנולד אצל ר' יואל יושע גוטמאן הי"ו אין די זאל פון הדר ריזל.

דערנאך ארום 10:45 האט דער רב געדאווענט תפילת מעריב אין ביהמ"ד בנין בראך דקהילתינו הק'.

א גוטן טאג.
~🌴~