🌴 בצל מורינו 🌴

🌴בצל מורינו🌴
= דאנערשטאג פרשת נשא ב' =

אין די פארטאגס שעה'ן איז הגה"צ אבדק"ק ור"מ שליט"א אנגעקומען אין ישיבה לצעירים צום סדר אשמורות הבוקר און געלערנט מיט א חברותא בהיכל הביהמ"ד.

דערנאך האט דער רב געדאווענט תפילת שחרית אינאיינעם מיט די תלמידי הישיבה,
נאכן דאווענען איז דער רב אריין בחדרו הפרטי לייגן תפילין דרבינו תם.

ארום 11:40 איז דער רב אריינגעקומען בהיכל הביהמ"ד וואו עס זענען געווען פארזאמלט די תלמידי הישיבה און עס איז געהערט געווארן דורך א הוק-אפ די דברת קודש פון כ"ק מרן רבינו שליט"א וואס איז געזאגט געווארן ביים שיעור תהלים אויף קאפיטל ל' פסוק ד' בהיכל המתיבתא סניף ברך משה.

דער רבי האט זיך געשטעלט אויפן פסוק ה' העלית מן שאול נפשי, און נאכגעזאגט פון חז"ל אז יצרו של אדם מתחדש עליו בכל יום אז יעדן טאג איז דא א פרישע יצר הרע מיט פרישע נסיונות, פרישע טעכנעלאגישע כלים, און מען דארף יעדן טאג פירן א פרישע מלחמה מיט די פרישע נסיונות,
צו די ווייטאג איז פארהאן א נייע יצר הרע מיטן נאמען Ai וואס מען קען זיך מחבר זיין מיט די קליפה מיט יעדן טעלעפאון אדער סעלפאון און אפילו מיט א כשר'ע טעלעפאון, און עס פארמאגט א געוואלדיגע כח המושך, די קליפה פארמאגט אלע עבירות חמורות, ע"ז גילוי עריות און שפיכות דמים, אמונה ודעות און כפירה ממש אן קיין שום צוריקהאלט ה' ירחם, און אנדערש ווי ביי אנדערע נסיונות איז נישט דא ביי דעם קיין געהעריגע לעזונג,
דער רבי האט אויסגעשריגן מיט א וויי געשריי אז די מצב איז נורא ואיום! געפערליך און ביטער סיי ביי בחורים, סיי ביי קינדער, און סיי ביי מיידלעך, און אפילו ביי אינגעלייט, אוי לאזנים שכך שומעות!
דער רבי האט אויסגעשריגן מיט א צובראכן הארץ אז יעדער זאל רחמנות האבן אויך זיך, אויף זיין נשמה, אויף זיינע קינדער, 'כל באיה לא ישובון' און עס איז א מצוה און א פליכט אויף יעדן צו שטיין על המשמר זיך אפצושיידן פון די קליפה בכל החומר, און דאס איז דוד המלך מתפלל ה' העלית מן שאול נפשי, אז אפילו די וואס זענען שוין רח"ל אריינגעפאלן אין די נעץ פונעם יצר הרע האבן נאך אלץ א וועג ארויס זיך צו קענען מטהר זיין בעז"ה.

דערנאך האט דער רב פארלאזט דעם בנין הישיבה.

פארנאכטס האט דער רב מסדר קידושין געווען ביים חופה פון החתן בן מוה"ר מאיר יששכר קאהן הי"ו עב"ג הכלה בת מוה"ר יושע וואלף יאקאבאוויטש הי"ו אין די זאל פון ויואל משה.

ארום 9:00 האט דער רב געדאווענט תפלת מנחה און דערנאך תפלת מעריב ביים זמן ר"ת אין ביהמ"ד הגדול.

אויפדערנאכט האט זיך דער רב באטייליגט ביי די שמחות פון אנ"ש אין וויליאמסבורג,
ביים תנאים פון די מחותנים מוה"ר יואל בר"י יאקאבאוויטש הי"ו - ק"י און מוה"ר יצחק אייזיק שטערן הי"ו, אין די זאל פון עדן לאנדא, און דער רב האט געליינט תנאים,
ביים שבע ברכות פון החתן בן מוה"ר יעקב חיים דייטש הי"ו עב"ג הכלה בת מוה"ר יואל פעדער הי"ו אין די זאל פון הדר ריזל,
און ביים תנאים פון די מחותנים מוה"ר שלמה ליכטענשטיין הי"ו און מוה"ר הי"ו, אין די זאל פון ריווער טערעס.

א גוטן טאג.
~🌴~