🌴 בצל מורינו 🌴

🌴בצל מורינו🌴
= מאנטאג פרשת במדבר =

אינדערפרי האט הגה"צ אבדק"ק ור"מ שליט"א געדאווענט תפילת שחרית אין ביהמ"ד הגדול.

ארום 8:50 נאכמיטאג האט דער רב געדאווענט תפלת מנחה און דערנאך ביים זמן ר"ת האט דער רב געדאווענט תפלת מעריב אין ביהמ"ד הגדול.

אויפדערנאכט האט זיך דער רב באטייליגט ביי די שמחות פון אנ"ש אין וויליאמסבורג,
ביים תנאים פון די מחותנים מוה"ר יואל ברפ"ש פריינד הי"ו און מוה"ר אברהם יששכר כייעם הי"ו,
און ביים תנאים פון די מחותנים מוה"ר בנימין זאב ענגלענדער הי"ו און הרה"ג ר' אברהם חיים מוטצען שליט"א - ר"מ בישיבה קטנה סניף היכל התורה, אין די זאלן פון אולם פרענקל, דער רב האט געליינט תנאים.

דערנאך איז דער רב אנגעקומען אין שטוב פון הרה"ח ר' יוסף מרדכי כהנא הי"ו וואו עס איז פארגעקומען א באנקעט 'מסיבת אל"ף' לטובת מוסדות יטב לב בארה"ק פאר מתפללי ביהמ"ד ברך משה דקהלתינו הק',
דער רב האט משמיע געווען עטליכע טרעפליכע ווערטער ארויסצוברענגן די געוואלדיגע זכיה פון שטיצן דעם הייליגן קאסע וואס איז געעפנט געווארן דורך דער רבי ז"ל מחזק צו זיין מרבצי תורה עניי ארה"ק, און פארענדיגט מיט ברכות לרוב פאר אלע תומכים,
דער רב איז ארומגעגאנגן אנווארעמען די משתתפים און דערנאך פארלאזט אויפ'ן וועג אהיים לביתו.

א גוטן טאג.
~🌴~