🌴 בצל מורינו 🌴

🌴בצל מורינו🌴
= שבת קודש פרשת ויקרא =

ערש"ק ארום 7:40 איז הגה"צ אבדק"ק ור"מ שליט"א אריינגעקומען בהיכל בית מדרשינו הגדול און יורד געווען לפני התיבה צו תפילת מנחה,
צו קבלת שבת איז צוגעגאנגען הרה"ח ר' יואל בעריש עקשטיין הי"ו,
נאכ'ן דאווענען איז דער ציבור אריבער זאגן גוט שבת,
מ'האט געענדיגט ארום 9:10, און דער רב האט פארלאזט דעם בנין הביהמ"ד.

= התוועדות ליל שבת קודש =

ארום 11:30 איז דער רב אריינגעקומען אין היכל מאיר זעליג בבית מדרשינו הגדול צום התוועדות ליל שב"ק,
דער רב האט טועם געווען חלה און אנגעהויבן עטליכע ניגוני שבת,
דער רב האט דערציילט עטליכע סיפורי צדיקים משולב בדברי תורה על פרשת השבוע.

מיט די זמירות האט דער רב מכבד געווען חשובי אנ"ש הנאספים,
דער רב נאכגעזאגט הערליכע ציצים ופרחים על פרשת השבוע בתוספת נופך משלו,
דער רב האט טועם געווען קוגל און מ'האט פארטיילט פאר'ן ציבור,
דערנאך האט דער רב געמאכט א לחיים און געוואונטשן פאר'ן גאנצן ציבור.

דער רב האט אנגעהויבן מנוחה ושמחה,
דערנאך האט דער רב משמיע געווען דברי תורה אויף די פסוק 'וכפר עליו הכהן לפני ה' ונסלח לו על אחת מכל אשר יעשה לאשמה בה' און אויפן ר"ת פונעם ווארט לאשמ"ה ל'קל א'שר ש'בת מ'כל ה'מעשים און עס אויס אויסגעטייטשט אויף עטליכע מהלכים בדרך דרוש.

מען האט אויפגעגעבן לעבער.

מיט ברכת המזון האט דער רב מכבד געווען הרה"ח ר' אהרן הערש וועבער הי"ו.

נאכ'ן בענטשן האט דער רב פארציילט עובדות וסיפורים פונעם הייליגן אפטע רב זי"ע וואס די יארצייט געפאלט דעם קומענדיגן מאנטאג ה' ניסן,
דערנאך האט מען אויפגעגעבן פירות און דער רב האט פארטיילט פאר די פרישע חתנים.

דערנאך איז דער ציבור אריבער זאגן א גוט שבת,
מ'האט געענדיגט ארום 1:05, און דער רב האט פארלאזט דעם בנין הביהמ"ד.

= וביום השבת קודש =

ארום 9:30 אינדערפרי איז דער רב אריינגעקומען בהיכל בית מדרשינו הגדול צו תפילת שחרית און פארגעזאגט ברכות,
צו תפילת שחרית איז צוגעגאנגען הרה"ח ר' בעריש אפפעל הי"ו - ק"י,
ביים ליינען האט דער רב עולה געווען שישי.

נאכ'ן דאווענען איז דער ציבור אריבער זאגן גוט שבת,
מ'האט געענדיגט ארום 12:00, און דער רב האט פארלאזט דעם בנין הביהמ"ד.