🌴 בצל מורינו 🌴

🌴בצל מורינו🌴
= שבת קודש פרשת משפטים - שבת שקלים - שבת מברכים חודש אדר =

ערש"ק ארום 6:00 נאכמיטאג איז הגה"צ אבדק"ק ור"מ שליט"א אריינגעקומען בהיכל בית מדרשינו הגדול און יורד געווען לפני התיבה צו תפילת מנחה,
צו קבל"ש איז צוגעגאנגען הרה"ח ר' שמואל אהרן גראסבערג הי"ו,
נאכ'ן דאווענען איז דער ציבור אריבער זאגן גוט שבת,
מ'האט געענדיגט ארום 7:30, און דער רב האט פארלאזט דעם בנין הביהמ"ד.

= התוועדות ליל שבת קודש =

ארום 9:45 איז דער רב אריינגעקומען אין היכל מאיר זעליג בבית מדרשינו הגדול צום התוועדות ליל שב"ק,
דער רב האט טועם געווען חלה און אנגעהויבן עטליכע ניגוני שבת,
דער רב האט דערציילט עטליכע סיפורי צדיקים משולב בדברי תורה על פרשת השבוע.

מיט כל מקדש האט דער רב מכבד געווען הר"ר יחיאל מיכל ניימאן שליט"א - ר"מ בישיבה קטנה סניף היכל התורה,
און דערנאך האט דער רב נאכגעזאגט הערליכע ציצים ופרחים על פרשת השבוע בתוספת נופך משלו,
דער רב האט טועם געווען קוגל און מ'האט פארטיילט פאר'ן ציבור,
דערנאך האט דער רב געמאכט א לחיים און געוואונטשן פאר'ן גאנצן ציבור.

דער רב האט אנגעהויבן מנוחה ושמחה,
דערנאך האט דער רב משמיע געווען דברי תורה אויפן פסוק 'וברך את לחמיך ואת מימיך' און עס אויסגעטייטשט אויף עטליכע מהלכים בדרך דרוש.

מען האט אויפגעגעבן לעבער,
קה אכסוף: הר"ר גבריאל געשטעטנער שליט"א - ר"מ בישיבה לצעירים,
ויהיו רחמיך: הר"ר גבריאל יהודה אילאוויטש שליט"א - ר"מ בישיבה קטנה סניף באר התורה,
דערנאך האט דער רב מכבד געווען הגה"צ ר' מיכל יהודה ראזענבערגער שליט"א - רב דביהמ"ד נעשכיז, מיטן פיוט 'אור פניך' לכבוד שבת שקלים,
מען האט איבערגעזינגען דעם פיוט עטליכע מאל בעת ווען דער רב האט מוריד דמעות געווען בבכיות עצומות ובהשתפכות הנפש, און דערנאך האט מען געזינגען עטליכע ניגונים לכבוד שבת שקלים,
מיט ברכת המזון האט דער רב מכבד געווען בנו הרה"ג ר' יואל שליט"א - מרבני כוללינו ב"פ.

נאכ'ן בענטשן האט מען אויפגעגעבן פירות און דער רב האט פארטיילט פאר די פרישע חתנים,
דערנאך האט דער רב דערציילט עטליכע עובדות וסיפורים פון זקינו הרה"ק מרן הקדושת יום טוב זי"ע וועלכע די יארצייט געפאלט דעם קומענדיגן מאנטאג - כ"ט שבט.

דערנאך האט מען אויפגעגעבן בונדלעך לרגל דעם שלום זכר לבן הנולד אצל מוה"ר וואלף ב"ר יואל מיטטלמאן הי"ו און דער רב האט אנגעוואונטשן פאר'ן בעל שמחה,
אז ביום השביעי: הר"ר משה אביגדור עקשטיין שליט"א,
דערנאך איז דער ציבור אריבער זאגן א גוט שבת,
מ'האט געענדיגט ארום 12:10, און דער רב האט פארלאזט דעם בנין הביהמ"ד.

= וביום השבת קודש =

ארום 9:15 אינדערפרי איז דער רב אריינגעקומען בהיכל בית מדרשינו הגדול צו תפילת שחרית און פארגעזאגט ברכות,
צו פסוקי דזמרה איז צוגעגאנגען הרה"ח ר' יואל קליין הי"ו,
דער רב איז צוגעגאנגען צו תפילת שחרית און פארגעדאווענט מיט גרויס התעוררות,
דער רב האט פארגעזאגט הכל יודוך פסוק בפסוק כנהוג,
ביי חזרת הש"ץ האט מען געזאגט די יוצרות און פיוטים און מען האט געזינגען ביי מכלכל חיים און ממקומך כנהוג.

ביים ליינען זענען נתכבד געווארן:
הוצאה והכנסה: בנו הרה"ג ר' יואל שליט"א,
פסוקי שמע ישראל: הרה"ח ר' ישעי' גראס הי"ו,
בעל קורא: הרה"ח ר' יודל ווערצבערגער הי"ו,
לוי: הרה"ח ר' יואל ב"ר יהושע ווערצבערגער הי"ו,
שלשי: הרה"ח ר' אברהם גוטמאן הי"ו,
רביעי: הרה"ח ר' יהושע פריעדמאן הי"ו,
חמישי: הרה"ח ר' טובי' ליפא גראס הי"ו,
שישי: הר"ר יחיאל גוטמאן שליט"א - ר"מ בישיבה לצעירים,
שביעי: הרה"ח ר' וואלף ב"ר יואל מיטטלמאן הי"ו,
אחרון: הרה"ח ר' אברהם שפילמאן הי"ו, דער רב האט געמאכט א מי שברך וקריאת השם,
מפטיר - שקלים: הגה"צ אבדק"ק ור"מ שליט"א,
דער רב האט געזאגט דעם לשם יחוד און געליינט די קריאה פון שקלים בהתעוררות רב.

נאכן ליינען האט דער רב ראש חודש געבענטשט מיט גרויס התעוררות,
צו מוסף איז דער רב צוגעגאנגען לכבוד שבת שקלים און פארגעדאווענט מיט גרויס התלהבות,
נאך מוסף איז דער ציבור אריבער זאגן גוט שבת,
מ'האט געענדיגט ארום 12:35 און דער רב איז אהיים לביתו.