🌴 בצל מורינו 🌴

🌴בצל מורינו🌴
= דאנערשטאג פרשת נח - בדר"ח חשון =

ארום 7:10 אינדערפרי האט הגה"צ אבדק"ק ור"מ שליט"א פארגעלערנט דעם טעגליכן שיעור בחבורת יסודי התורה אין חדר א' בבית מדרשינו הגדול,
דער רב האט פארגעלערנט מסכת קידושין דף ע"ז ע"א,
מ'האט געענדיגט ארום 7:50, און דער רב איז ארויף בחדרו הפרטי.

ארום 8:30 איז דער רב אנגעקומען אין ישיבה לצעירים,
דער רב איז אריין בחדרו הפרטי וואו דער רב האט געלייגט טלית ותפילין,
ארום 8:45 איז דער רב אריינגעקומען בהיכל הביהמ"ד צו תפילת שחרית,
דער רב האט יורד געווען לפני התיבה צו אמירת הלל,
און דערנאך איז דער רב אריין בחדרו הפרטי,
דער רב האט פארלאזט דעם בנין הישיבה ארום 11:10.

פארנאכטס האט דער רב געדאווענט תפילת מנחה, און דערנאך ביים זמן ר"ת האט דער רב געדאווענט תפילת מעריב בבית מדרשינו הגדול.

אום 7:45 אויפדערנאכט איז דער רב אנגעקומען אין ישיבה לצעירים, דער רב איז אריין בהיכל הביהמ"ד און משמיע געווען קורצע דברי פתיחה פאר די תלמידי הישיבה בנוגע די פארטאגס סדר,
דער רב האט אנגעהויבן מיטן באקאנטן ווארט פונעם בעל שם טוב זי"ע וואס האט זיך אמאל אויסגעדרוקט אז ער איז מקנא די בחורים ווייל זיי האבן א התחדשות א יעדן טאג, און דער רב האט ממשיך געווען מיט די סדר הלימודים וואס מען האט מסדר געווען, סיי צו לערנען שו"ע און סיי גפ"ת, און החכם עניו בראשו צו נעמען גוטע חברותות, און מסיים געווען מיט ברכות לרוב.

אויפדערנאכט האט זיך דער רב באטייליגט ביים חתונה פון החתן בן מוה"ר שלמה זאב לאנדא הי"ו עב"ג הכלה בת מוה"ר משה ברוך געלבשטיין הי"ו אין די זאל פון אימפעריעל,
און ביים תנאים פון די מחותנים מוה"ר זלמן לייב קלעפנער הי"ו און מוה"ר פישל לעבאוויטש הי"ו אין די זאלן פון אולם פרענקל און דער רב האט געליינט תנאים.

א גוטן טאג.
~🌴~