🌴 בצל מורינו 🌴

🌴בצל מורינו🌴
= מאנטאג פרשת נח =

ארום 7:10 אינדערפרי האט הגה"צ אבדק"ק ור"מ שליט"א פארגעלערנט דעם טעגליכן שיעור בחבורת יסודי התורה אין חדר א' בבית מדרשינו הגדול,
דער רב האט פארגעלערנט מסכת קידושין דף ע"ה ע"א - ע"ו ע"ב,
מ'האט געענדיגט ארום 7:50, און דער רב איז ארויף בחדרו הפרטי.

ארום 9:30 האט דער רב געדאווענט תפילת שחרית אין חדר ג', ביים ליינען האט דער רב עולה געווען שלישי.

אום 6:55 פארנאכטס האט דער רב געדאווענט תפילת מנחה, און דערנאך תפילת מעריב ביים זמן ר"ת אין חדר א' בבית מדרשינו הגדול.

דערנאך איז דער רב אריינגעקומען בהיכל הביהמ"ד צום פערטן בחינה פון חבורת תורתך שעשועי,
דער רב איז צום ערשט ארומגעגאנגען צווישן די נבחנים פאר א לענגערע צייט, און זיך דערנאך געזעצט מאכן די בחינה וועלכע האט זיך פארצויגן פאר א שטיק צייט.

דערנאך איז דער רב ארויף צום ניחום אבלים פון משפחת פילעפף, היושב ע"פ האה"ח ע"ה אשת הרה"ח ר' יקותיאל משה שמחה הי"ו,
און דערנאך אויף ניחום אבלים ביי מוה"ר משה גרין הי"ו היושב ע"פ אחותו ע"ה.

א גוטן טאג.
~🌴~