🌴 בצל מורינו 🌴

🌴 בצל מורינו 🌴
= יו"ט סוכות תשפ"ו בצל הגה"צ אבדק"ק ור"מ שליט"א אין וויליאמסבורג =

ערב יו"ט אום 8:15 אינדערפרי האט דער רב געדאווענט תפלת שחרית בביהמ"ד הגדול חדר ב'.

אין די נאכמיטאג שעה'ן האט דער רב געבינדן די לולב.

= ליל א' דסוכות =

ארום 7:10 פארנאכטס איז דער רב אריינגעקומען בהיכל בית מדרשינו הגדול צו תפילת מנחה, און דער רב האט יורד געווען לפני התיבה,
נאך עטליכע מינוט האט מען געדאווענט תפילת מעריב, און דער רב האט יורד געווען לפני התיבה,
נאכ'ן דאווענען איז דער גאנצער ציבור אריבער זאגן א גוט יו"ט,
מ'האט געענדיגט ארום 8:15, און דער רב האט פארלאזט דעם בנין הביהמ"ד אויפ'ן וועג אהיים לביתו,
נאכ'ן סעודה איז דער רב אריבער לביתו נאוה קודש פון אביו הגדול כ"ק מרן רבינו הגה"ק שליט"א אויף היוז סטריט,אויף איבערנאכט.

= יום א' דסוכות =

אינדערפרי איז דער רב אהיים לביתו וואו דער רב האט מקיים געווען מצות נטילת לולב בסוכה שעל יד ביתו.

ארום 10:00 איז דער רב אריינגעקומען בהיכל בית מדרשינו הגדול צו תפילת שחרית,
בעל תפילה פסוקי דזמרה: הרה"ח ר' הלל לעבאוויטש הי"ו,
דער רב האט יורד געווען לפני התיבה צו תפילת שחרית, יוצא, והלל, און פארגעדאווענט מיט גרויס התלהבות,
דער רב האט אפגעראכטן די עבודת הנענועים פאר א לענגערע צייט באש קודש, ווען דערביי האט דער ציבור געזינגן די נענועים ניגון וואס איז געזינגן געווארן בבית מדרשו של רביה"ק זי"ע, און נאך הלל פארגעזאגט הושענות בהתעוררות רב.

ביים ליינען זענען נתכבד געווארן:
הוצאה והכנסה: הר"ר יואל שטערן שליט"א - מנהל במוסדותינו, און הר"ר משה אלי' גרין שליט"א - מנהל במוסדותינו,
בעל קורא: הרה"ח ר' יודל ווערצבערגער הי"ו,
כהן: הרה"ח ר' משה לייב טרעגער הי"ו,
שלישי: הרה"ח ר' יואל לעבאוויטש הי"ו - מאנסי,
חמישי: הגה"צ אבדק"ק ור"מ שליט"א,
הגבה: הרה"ח ר' זאב דייטש הי"ו,
גלילה: הרה"ח ר' ברוך יהודה שפיצער הי"ו,
מפטיר: הרה"ח ר' מנחם גרשון לעבאוויטש הי"ו,
הגבה: הרה"ח ר' הערשל שפילמאן הי"ו,
גלילה: הר"ר אברהם גרין שליט"א,
צו תפילת מוסף איז צוגעגאנגען הר"ר שלמה יואל מאשקאוויטש שליט"א.

נאכ'ן דאווענען איז פארגעקומען די ברית לבן הנולד אצל ר' הלל לעבאוויטש הי"ו, און דער רב האט געזאגט די ברכות און קריאת השם, און דערנאך אנגעוואונטשן ברכות לרוב פאר די בעלי שמחה,
מ'האט געענדיגט ארום 2:15, און דער רב איז אהיים לביתו.

= ליל ב' דסוכות =

ארום 6:55 פארנאכטס איז דער רב אנגעקומען אין ביהמ"ד לב אהרן דקהילתינו הק' וומ"ס צו תפלת מנחה,
צום עמוד איז צוגעגאנגען הרה"ח ר' נפתלי הירצקא פריעדמאן הי"ו,

נאך תפילת מנחה האט דער רב משמיע געווען א דרשה בדברי תורה ופלפול,
דער רב האט זיך געשטעלט אויפ'ן פסוק 'ולקחתם לכם פרי עץ הדר' און געדרשנט א לענגערע צייט אין די סוגיא פון 'לכם',
דערנאך האט דער רב ממשיך געווען ארומרעדנדיג איבער כשרות המשקאות און בפרט ווען מען טרעפט זיך על אם הדרך און מען איז זיך מורה היתר צו טרינקן א געוויסע געטראנק וואס מען וואלט נישט געטרינקן סתם אזוי אינדערהיים, און דער רב האט מסיים געווען מיט ברכות לרוב.

דערנאך האט מען געדאווענט תפילת מעריב,
נאכ'ן דאווענען איז דער גאנצער ציבור אריבער זאגן א גוט יו"ט,
מען האט געענדיגט ארום 8:00,
נאכן דאווענען איז דער רב אריבער לבית מחותנו הגה"צ אדמו"ר מ'קארלסבורג שליט"א וואונטשן א גוט יום טוב, און דערנאך אהיים לביתו.

ארום 11:30 אויפדערנאכט איז דער רב אריינגעקומען אינעם סוכה הגדולה שעל יד בית מדרשינו הגדול צום מעמד שמחת בית השואבה - אושפיזא דיצחק,
מ'האט מאריך געווען מיט ניגוני יום טוב סוכות,
דער רב האט געמאכט א לחיים און געוואונטשן פאר'ן גאנצן ציבור,
דערנאך האט דער רב משמיע געווען דברי תורה אינעם סוגיא פון קויפן א אתרוג מיט געגנב'טע געלט.

מיט די פיוט 'ישמחו בחגיהם' פון מערבית לליל ב' דסוכות האט דער רב מכבד געווען: הרה"ח ר' יצחק דוב גרינוואלד הי"ו,
מען האט אויפגעגעבן פירות, דער רב האט טועם געווען און מען האט פארטיילט פאר'ן ציבור,
מען האט געענדיגט ארום 12:30 און דער רב איז אריבער לביתו נאוה קודש פון אביו הגדול כ"ק מרן רבינו הגה"ק שליט"א אויף היוז סטריט, אויף איבערנאכט.