🌴 בצל מורינו 🌴

דער רב האט צוגעענדיגט מיט ברכות לרוב אז מ'זאל אויס'פועל'ן אלעס גוטס, און ווערן אנגעשריבן צו א גוט געבענטשט יאר, א שנת גאולה וישועה.

נאך די דרשה האט דער רב פארגעזאגט די פסוקים 'אור זרוע' און 'פלגי מים' איין מאל, און ארומגעגאנגען דעם ביהמ"ד מיט'ן ספר תורה וואו דער ציבור האט מפייס געווען די תורה הק' כנהוג,
במשכ'ן ארומגיין אין ביהמ"ד האט דער רב געזאגט די פסוקים נאך זעקס מאל.

ביים צוריקקומען צום עמוד האט דער רב געזאגט די שטיקל זוהר 'קם רבי שמעון',
דער רב האט זיך אויפגעשטעלט און אנגעהויבן "כל נדרי" וואס האט געדויערט א לענגערע צייט פארזאגנדיג די געהויבענע תפילה באש להבת שלהבת אריינשלעפנדיג דעם גאנצן ציבור מיט א קאך און א ברען אויפוועקנדיג יעדעס אידיש הארץ לתשובה ולתיקון המעשים,
די ספרי תורה האבן געהאלטן הגאון הגדול הדומ"ץ שליט"א, און הרה"ג ר' יוסף הערש סופר שליט"א - מו"ץ בקהילתינו הק' ק"י ומח"ס שו"ת וישב יוסף.

דערנאך האט דער רב ממשיך געווען מיט תפילת מעריב לפני התיבה בהתעוררות רב,
מיט די פתיחות זענען נתכבד געווארן: הרה"ג ר' יוסף לייב קאהן שליט"א, הרה"ח ר' אברהם ווידער הי"ו - ראה"ק, הרה"ח ר' שלמה משה קלאגסברוין הי"ו, הרה"ח ר' שאול לייב זאלדאן הי"ו, הרה"ח ר' זלמן לייב גליק הי"ו.

צו אדון עולם און צו די קאפיטלעך תהלים איז צוגעגאנגען הרה"ג ר' איתמר טובי קויפמאן שליט"א,
מיט די שיר היחוד זענען נתכבד געווארן די עלטערע מגידי שיעור: הר"ר יוסף שלמה פייערשטיין שליט"א, הר"ר חנני' גאלדבערגער שליט"א, הר"ר אילאוויטש שליט"א, הר"ר שליט"א, הרה"ח ר'הי"ו,
שיר ליום השבת - אז ביום השביעי האט פארגעזינגען הר"ר יואל ב"ר משה חיים ווייס שליט"א,
מען האט געענדיגט דאווענען ארום 11:25, און דער רב האט פארלאזט דעם בנין הביהמ"ד אויפ'ן וועג אהיים לביתו.

= יום הקדוש =

אום 7:40 אינדערפרי איז דער רב אריינגעקומען בהיכל הביהמ"ד צו תפילת שחרית,
אום 7:45 איז הרה"ח ר' ישראל פערל הי"ו צוגעגאנגען צום עמוד צו אנעים זמירות,
פתיחה לאנעים זמירות: הרה"ח ר' עקיבא וויינשטאק הי"ו.

בעל תפלה ביי פסוקי דזמרה איז געווען הרה''צ ר' בערל גלאנץ שליט"א - מ'בארדיוב,
צו שחרית איז צוגעגאנגען הרה"ג ר' אלטר טייטלבוים שליט"א - ר"מ במתיבתא ק"י.

ביים ליינען זענען נתכבד געווארן:
הוצאה והכנסה: בני הגה"צ אבדק"ק ור"מ שליט"א, הרה"ג ר' חיים הערש שליט"א - אב"ד ראצפערט, הרב ר' אלעזר שליט"א - לאנדאן,
פסוקי שמע ישראל: הר"ר מאיר מאיער שליט"א - ר"מ בישיבה גדולה ויואל משה ב"פ,
דער רב איז געווען בעל קורא און פארגעליינט די קריאה מיט א שטארקע התעורורות,
כהן: הרה"ח ר' יצחק אליקים שווארץ הי"ו,
לוי: הרה"ח ר' שלמה משה קלאגסברוין הי"ו,
שלישי: הגאון הגדול הדומ"ץ שליט"א,
רביעי: הרה"ח ר' ישראל פערל הי"ו,
חמישי: הרה"ח ר' וואלף בראווער הי"ו,
שישי: הגה"צ אבדק"ק ור"מ שליט"א,
גלילה: נכד רבינו הרב יושע מרדכי אלעזר לאבין שליט"א,
מפטיר: הרה"ח ר' יואל עפשטיין הי"ו,
הגבה: הרה"ח ר' שמואל יעקב גליק הי"ו,
גלילה: הרה"ח ר' פנחס שמעי' פריינד הי"ו,
מען האט געענדיגט דאווענען ארום 12:30, מ'האט געזאגט יזכור, און דאן איז געווען פויזע,
בשעת פויזע איז דער רב אהיים לביתו.

ארום 1:10 נאכמיטאג איז דער רב אריינגעקומען בהיכל הביהמ"ד,
צום ערשט איז פארגעקומען די ברית לבן הנולד אצל ר' אשר לעמיל ב"ר לוי יצחק לאנדא הי"ו, און דער רב האט געזאגט די ברכות וקריאת השם.

דערנאך ארום 1:25 איז דער רב צוגעגאנגען צום עמוד צו תפילת מוסף,
דער רב האט געזאגט די תפילה 'הנני העני ממעש',
גשים מול ארון הקודש באימה, ועמך מסביבים אותך כחומה: דער רב האט געדאווענט אין א מחזור נוסח תפלה ישרה, און פארגעדאווענט בקול חוצב להבת אש, וואס האט מעורר געווען דעם גאנצן היכל בית המדרש,
דער רב האט שטארק מאריך געווען בתפילת היום, מיט גרויס התעוררות והשתפכות הנפש, ובפרט ביי די סדר העבודה וואס דער רב געזאגט מיט א געוואלדיגע קאך און ברען ובקול בכי.

מיט די פתיחות ביי מוסף זענען נתכבד געווארן: הרה"ח ר' אליעזר ווייס הי"ו, און הרה"ח ר' שמואל אהרן לאנדא הי"ו, הרה"ח ר' ברוך מרדכי מארקאוויטש הי"ו, הרה"ח ר' ליפא גראס הי"ו, הרה"ח ר' בערל פאלאטשעק הי"ו,
מען האט געענדיגט ארום 5:30.