🌴 בצל מורינו 🌴

🌴בצל מורינו🌴
= מיטוואך פרשת האזינו - ערב יום הקדוש =

באשמורת הבוקר ארום 5:15 האט הגה"צ אבדק"ק ור"מ שליט"א מקיים געווען דעם מינהג כפרות בחדרו הפרטי בביהמ"ד הגדול, און עס דערנאך אריבערגעטראגן צום שוחט כנהוג.

ארום 5:30 איז דער רב אריינגעקומען אין ביהמ"ד הגדול היכל מאיר זעליג צו אמירת סליחות ברוב עם,
בעל תפילה: הרה"ח ר' שלמה גאלדשטיין הי"ו,
מ'האט געענדיגט ארום 6:00, און דער רב איז ארויף בחדרו הפרטי.

ארום 6:25 האט דער רב געדאווענט תפילת שחרית אין חדר ב'.
נאך שחרית איז דער רב אריין בחדרו וואו עס איז געגעבן געווארן נאך א געלעגנהייט פאר אנ"ש אריבערצוגיין לברך ולהתברך בברכת גמר חתימה טובה,
עס האט זיך פארצויגן פאר א לענגערע שטיק צייט ווען הונדערטער אידן זענען אריין לברך ולהתברך לקראת יום הקדוש.


אין די פארמיטאג שעות איז דער רב ארויסגעפארן קיין ק"י,
אום 10:45 איז דער רב אנגעקומען קיין ק"י און צוגעפארן לביתו.

אום 1:20 איז דער רב אריינגעקומען צו די ערשטע סעודה בביתו,
מען האט געפענט דעם טיר פאר'ן ציבור ארום 2:00,
מען האט אויפגעגעבן די מאכלים אזויווי יו"ט, אין די זופ איז געליגן א קרעפל כנהוג,
במשך דעם סעודה האט מען געזינגן לענגערע ניגוני התעוררות ודביקת, ניגוני ימים נוראים,
דער רב האט פארגעזינגען דעם פיוט "ירצה" מיט גרויס התעוררות ובקול בכי, אויף די ניגון פון אהבה רבה וואס איז נתחבר געװארן דורך הרה"ק רבי ר' הערש מרימנוב זי"ע.

דער רב האט משמיע געווען דברי התעוררות והכנה ליום הקדוש בקול חנוק מדמעות,
דער רב האט זיך געשטעלט אויף די ווערטער פונעם פיוט 'זכיתי יעלה בימין ואפר יצחק יזמין אשר יאמר כי הוא זה מחר יהיה האות הזה', און געזאגט דעם באקאנטן משל פונעם הייליגן ייטב לב זי"ע פונעם בן מלך וואס דער טאטע האט אים געשיקט אין די מרחקים און אים אנגעזאגט אז ווען ער דארף עפעס זאל ער עס בעטן ברמיזה, ווייל אויב נישט וועלן עס די שונאים צוכאפן, און מעורר געווען צו מתפלל זיין אויף די גאולה שלימה, און מסיים געווען מיט ברכות לרוב,
מיטן בענטשן האט דער רב מכבד געווען בנו הר"ר אלעזר שליט"א - לאנדאן,
מ'האט געענדיגט ארום 2:30.
נאכן סעודה זענען אריין אויף א פריוואטן פארנעם הונדערטער אנ"ש בפסקא ופדיון לברך ולהתברך לקראת יום הקדוש.

אום 3:40 איז דער רב אנגעקומען אין ביהמ"ד הגדול וואו דער רב איז געגאנגען מקוה.

ארום 4:05 האט דער רב געדאווענט תפילת מנחה בהיכל ביהמ"ד הגדול ברוב עם,
בעל תפלה: מוה"ר הלל פאגעל הי"ו,
נאך מנחה זענען הונדערטער אנ"ש אדורך לברך ולהתברך בברכת גמר חתימה טובה פאר א לענגערע צייט,
מען האט געענדיגט ארום 4:45 און דער רב איז אהיים לביתו.

א גוטן טאג.
~🌴~