🌴 בצל מורינו 🌴

🌴בצל מורינו🌴
= שבת קודש פרשת וילך - שבת שובה =

ערש"ק ארום 7:25 איז הגה"צ אבדק"ק ור"מ שליט"א אריינגעקומען בהיכל בית מדרשינו הגדול,
וואו דער רב האט יורד געווען לפני התיבה,
נאכ'ן דאווענען איז דער ציבור אריבער זאגן גוט שבת,
מ'האט געענדיגט ארום 9:10, און דער רב האט פארלאזט דעם בנין הביהמ"ד.

= התוועדות ליל שבת קודש =

ארום 11:10 איז דער רב אריינגעקומען אין היכל מאיר זעליג בבית מדרשינו הגדול צום התוועדות ליל שב"ק,
דער רב האט טועם געווען חלה און אנגעהויבן עטליכע ניגוני שבת,
דער רב האט דערציילט עטליכע סיפורי צדיקים משולב בדברי תורה על פרשת השבוע.

מיט כל מקדש האט דער רב מכבד געווען הרה"ח ר' נחמי' מארקאוויטש הי"ו,
דערנאך האט דער רב נאכגעזאגט הערליכע ציצים ופרחים על פרשת השבוע בתוספת נופך משלו,
דער רב האט טועם געווען קוגל און מ'האט פארטיילט פאר'ן ציבור,
דערנאך האט דער רב געמאכט א לחיים און געוואונטשן פאר'ן גאנצן ציבור.

דער רב האט אנגעהויבן מנוחה ושמחה,
דערנאך האט דער רב משמיע געווען דברי תורה אויף די פסוקים בפרשת השבוע און עס אויסגעטייטשט בדרך דרוש ופלפול.

מען האט אויפגעגעבן לעבער,
קה אכסוף: הרה"ג ר' מנחם זאב שטערן שליט"א - מו"ץ בקהלתינו הק',
ויהיו רחמיך: הר"ר גבריאל יודא אילאוויטש שליט"א - ר"מ בישיבה קטנה סניף באר התורה.

דערנאך האט מען געבענטשט,
ברכות המזון: הר"ר שלמה כהנא שליט"א.
נאכ'ן בענטשן האט מען אויפגעגעבן פירות און דער רב האט פארטיילט פאר די פרישע חתנים,
דערנאך האט דער רב דערציילט עובדות וסיפורים פון זקינו הרה"ק רבי אלעזר ניסן זי"ע מדרוהביטש וואס די יארצייט  געפאלט דעם קומענדיגן דינסטאג שלוש עשרה מידות - ח' תשרי.

אז ביום השביעי: מוה"ר מענדל מאיר גליק הי"ו,
דערנאך איז דער ציבור אריבער זאגן א גוט שבת,
מ'האט געענדיגט ארום 12:20, און דער רב האט פארלאזט דעם בנין הביהמ"ד.

= וביום השבת קודש =

ארום 9:30 אינדערפרי איז דער רב אריינגעקומען בהיכל בית מדרשינו הגדול צו תפילת שחרית,
ביים ליינען האט דער רב עולה געווען שישי,
נאכ'ן מוסף איז דער ציבור אריבער זאגן גוט שבת,
מ'האט געענדיגט ארום 12:25, און דער רב האט פארלאזט דעם בנין הביהמ"ד.

ארום 5:30 נאכמיטאג איז דער רב אריינגעקומען בהיכל ביהמ"ד הגדול וואו דער רב האט משמיע געווען דעם דרשת שבת שובה,
דער רב האט צום ערשט ארומגערעדט דברי דרוש, פלפול, ואגדא, אין די סוגיא פון מצוה הבאה בעבירה ואי דרשינן טעמא דקרא.

דערנאך האט דער רב מאריך געווען בדברי מוסר והדרכה בענינים העומדים על הפרק,
דער רב האט דערמאנט די של"ה הק' אז 'שופטים ושוטרים תתן לך בכל שעריך' גייט ארויף אויף די שערים פון א מענטש עין, אף, פה, ואוזן, אז יעדע זאך קען מען ניצן צום גוטן און ח"ו פארקערט,
מען דארף זיך היטן די אויגן נישט קוקן ווי מען טאר נישט און ווי מען מוז נישט קוקן אפי' עס איז נישט קיין איסור מפורשת, סיי ווען מען גייט אין גאס און סיי ווען מען דארף גיין איינקויפן, און מיט דעם וואס מען האט שמירת עינים העלפט עס צו האבן אן ערליכע אפגעהיטן שטוב, און מ'דארף דאס וויסן, אז א שטוב וואס מען פירט בצניעות דערקענט מען עס אויף די בני משפחה און וויאזוי זיי גייען אנגעטוהן, און דער רב האט געבעטן אז מ'זאל מחזק זיין אינדערהיים צו גיין אנגעטוהן לויט די תקנת וואס דער רבי ז"ל האט איינגעפירט,
דערנאך האט דער רב ארומגערעדט א לענגערע צייט אז מען זאל זיין נזהר וואס גייט אריין אין מויל און וואס עס קומט ארויס פון מויל, און מעורר געווען איבער די כשרות פון ברוינפן וואס מען פארקויפט היינט אלע מינים און סארטן, און געזאגט אז דער טאטע זז"ג האט געמאכט שטארקע תיקונים אין ק"י איבער דעם און בעז"ה נאך יו"ט וועט מען דא אויך איינפירן די תיקונים,
אזוי אויך דארף מען וויסן וואס עס גייט ארויס פון מויל, זיין נזהר וואס מ'רעדט ארויס פון מויל צו דאס גייט נישט וויי טוען א חבר וכדו',
און דערביי האט דער רב געבעטן אז עס קומט דעם טאג שלש עשרה מדות זאל מען זעהן אויסצוזאגן ספר תהלים און מקיים זיין דעם 'מי ימלל גבורות ה' ישמיע "כל" תהלתו'.

דערנאך האט דער רב ארומגערעדט איבער דעם דור ווי אונז שטייען יעצט ווען מ'האלט שוין בעוקבתא דמשיחא און די נסיונות ווערן ערגער און ערגער פון טאג צו טאג, האט דער רב געזאגט אז עס איז דא איין וועג וויאזוי מען קען זיך האלטן אין דעם שווערן דור, מיט דעם וואס מען איז נישט משנה פון מסורת אבות, וואס דורך דעם האלט מען אן א קשר מיט די פריערדיגע דורות און מען ווייזט אויך פאר די קינדער וויאזוי זיך צו פירן, און נאר אזוי וועט מען קענען מקבל זיין פני משיח, און דער רב האט מסיים געווען מיט ברכות לרוב.