🌴 בצל מורינו 🌴

= ליל ב' דראש השנה =

ארום 7:30 פארנאכטס איז דער רב אריינגעקומען בהיכל בית מדרשינו הגדול צו תפילת מנחה,
צום עמוד איז צוגעגאנגען הר"ר פייש הורוויץ שליט"א.

נאך א קורצע הפסקה האט מען געדאווענט תפילת מעריב,
בעל תפלה: הרה"ח ר' שמעון ישראל הורוויץ הי"ו,
נאך מעריב איז דער ציבור אריבער זאגן א גוט יו"ט,
מען האט געענדיגט ארום 8:40, און דער רב איז אהיים לביתו.

= יום ב' דראש השנה =

ארום 8:00 אינדערפרי איז דער רב אריינגעקומען בהיכל בית מדרשינו הגדול צו תפילת שחרית,
דער רב האט פארגעזאגט ברכות, און דערנאך האט די בעל תפילה אנגעהויבן זינגען אדון עולם,
פסוקי דזמרה: הרה"ג ר' בנציון לאוב שליט"א - מו"ץ בקהילתינו הק',
שחרית: הר"ר אלעזר מענדל פילעפף שליט"א - ר"מ בישיבתינו הק'.

ביים ליינען זענען נתכבד געווארן;
הוצאה והכנסה: הרה"ח ר' אהרן זילבערשטיין הי"ו און הרה"ג ר' דוד הירש שליט"א - מו"ץ,
דער רב איז געווען בעל קורא און געליינט בהתעוררות רב אנגעטוהן מיט'ן קיטל און ווייסע קאפל,
לוי: הרה"ח ר' דוד שטיינבערג הי"ו
שלישי: הרה"צ ר' ירמי' טייטלבוים שליט"א,
רביעי: הרה"ח ר' ישראל וואלף פריעדמאן הי"ו,
חמישי: הגה"צ אבדק"ק ור"מ שליט"א,
הגבה אויף די ערשטע ספר: הרה"ח ר' יוסף משה געלבשטיין הי"ו,
גלילה: הרה"ח ר' אייזיק שטערן הי"ו,
מפטיר: הרה"ח ר' אברהם יודא רוזענבערג הי"ו,
הגבה אויף די צווייטע ספר: הרה"ח ר' אברהם ישי בערקאוויטש הי"ו,
גלילה: הרה"ח ר' יהושע געלבשטיין הי"ו
מען האט געענדיגט ארום 12:10,
עס איז געווען פויזע, דער רב איז געגאנגען אין מקוה כהכנה לתקיעת שופר, און דערנאך אריין בחדרו הפרטי.

ארום 1:45 איז דער רב אריינגעקומען בהיכל הביהמ"ד מעוטף אינעם טלית פון רביה"ק בעל דברי יואל זי"ע,
דער רב איז ארויף אויפ'ן ארון קודש און מתפלל געווען א תפילה חרישות, און אנגעהויבן די פייערדיגע "תקיעת שופר דרשה",
דער רב האט בקול בכי מעורר געווען אלע מתפללים צו תשובה ותיקון המעשים.

צווישן אנדערע האט דער רב ארומגערעדט איבער די יאר וואס מיר גייען יעצט אריין, אזויווי דער רבי ז"ל האט געזאגט בשנת תשכ"ו אז עס איז א שנת פקידה און מ'קען אלעס גוטס אויסבעטן, און זעכציג יאר צוריק איז מען געווען זיכער אז משיח וועט שוין קומען, און יעצט שטייען מיר שוין זעכציג יאר דערויף און משיח איז נאכאלץ נישט דא.

דער רב האט ארויסגעברענגט וויפיל אידישע קינדער ליידן זיך צאם צרות יגון ואנחה, אבער מען דארף ארויסברענגן די שבח פון כלל ישראל אז מען נעמט אן די נסיונות און שוועריגקייטן באהבה.

דער רב האט מסיים געווען מיט ברכות לרוב פאר'ן גאנצן ציבור, אז מ'זאל זוכה זיין צו א שנת גאולה וישועה, ס'זאל שוין מער נישט זיין קיין צרות ביי כלל ישראל, און מ'זאל שוין זוכה זיין צום ריכטיגן ישועתן ושמחתן של ישראל בביאת גואל צדק בב"א.

דערנאך איז דער רב ארויף אויפ'ן באלעמער, די ספרי תורה האבן געהאלטן הרה"ג ר' יואל שליט"א - בן הגה"צ אבדק"ק ור"מ שליט"א און הר"ר יוסף אשר זילבערשטיין שליט"א - מו"ץ בקהלתינו הק'.

דער רב האט געמאכט די ברכות תקיעת שופר באש להבת שלהבת מיט א קאך און א ברען, און דאן געבלאזן די תקיעות דמיושב,
פאר די ברכה האט דער רב אנגעטוען א נייע טלית צו קענען מאכן די ברכת שהחיינו,
בעל מקריא איז געווען חתנו הגה"צ ר' יואל גלאנץ שליט"א - מו"ץ בקהילתינו הק'.

בעל תוקע ביי די תקיעת דמעומד איז געווען הרה"ג ר' שלום טייטלבוים שליט"א - מו"ץ בקהילתינו הק',
בעל מקריא איז געווען הרה"ג ר' בעריש ראזענבערג שליט"א,
דער רב איז צוגעגאנגען צום עמוד צו תפילת מוסף און געזאגט די תפילה 'הנני העני ממעש',
דער רב האט געדאווענט אין א מחזור נוסח תפלה ישרה, און כמעשהו בראשונה כך מעשהו בשניה וואו דער רב האט פארגעדאווענט בהתעורורות רב וברגש קודש וואס האט מעורר געווען דעם גאנצן היכל בית המדרש, און בפרט ביי די פסוקים פון זכרונות וואו דער רב האט מאריך געווען בבכיות רב,
פתיחות ביי מוסף זענען נתכבד געווארן: הרה"ח ר' משה אליעזר לאנדא הי"ו, הרה"ח ר' אהרן יוסף לאנדא הי"ו, הרה"ח ר' ברוך שטערן הי"ו,און נאך,
צו קוה איז צוגעגאנגען הרה"ח ר' יודל ווערצבערגער הי"ו,
פתיחה אנעים זמירות: הרה"ח ר' בנציון איצקאוויטש הי"ו,
מען האט געענדיגט ארום 5:40, און דער רב איז אהיים לביתו.