🌴 בצל מורינו 🌴

🌴בצל מורינו🌴
= יו"ט ראש השנה שנת תשפ"ו בצל הגה"צ אבדק"ק ור"מ שליט"א ברוב פאר והדר בקרב קהלתינו הק' אין וויליאמסבורג =

במשך אלע תפילות איז דער היכל הביהמ"ד געװען פול מן הקצה אל הקצה, אריינגערעכנט דעם צוגעלייגטן פליגל פון אריבער טויזנט זיצן, קוים קענענדיג אקאמאדירן דעם ריזן ציבור לאלפים וואס זענען געקומען זיך מסתופף זיין און מיטהאלטן די געהויבענע תפילות אין די טעג פון ראש השנה ביים רב שליט"א.

די תפילות זענען אפגעראכטן געווארן מיט א מורא'דיגע דערהויבענקייט און ווארעמקייט,
ובפרט תפילת המוספין וואו מ'האט געהאט די זכי' אז דער רב האט יורד געווען לפני התיבה און פארגעדאווענט מיט גרויס התעוררות והשתפכות הנפש.


עריו"ט פארנאכטס ארום 7:30 איז דער רב אריינגעקומען בהיכל בית מדרשינו הגדול און צוגעגאנגען צום עמוד צו תפילת מנחה און פארגעדאווענט די לעצטע תפילה פונעם יאר מיט גרויס התעורורות ובכיות,
דערנאך האט מען געזאגט דעם פיוט 'אחות קטנה' כנהוג.

נאך מנחה איז פארגעקומען די יערליכע מגבית פאר'ן "כולל תורה ויראה" וומ"ס מיט אירע קרוב צו טויזענט לומדי הכולל, עס האט אויפגעטרעטן הרה"ג ר' יואל הערש קאהן שליט"א - מו"ץ בקהילתינו הק' ומרבני כוללינו,
ארום 8:05 האט מען אנגעהויבן תפילת מעריב,
דער רב איז צוגעגאנגען צום עמוד און פארגעדאווענט די ערשטע תפלה פונעם יאר ברשפי אש קודש,
נאך מעריב האט דער רב פארגעזאגט 'לדוד מזמור' בהתלהבות אש קודש, מען האט געענדיגט ארום 8:30.

נאכן דאווענען האט דער רב אנגעוואונטשן 'לשנה טובה' פאר די רבני ודייני קהילתינו הק' אויפ'ן אויבנאן,
דערנאך איז דער גאנצער ציבור אריבער וואו דער רב האט יעדן ווארעם אנגעוואונטשן בצהלת פנים,
עס האט זיך פארצויגן פאר א לענגערע צייט קרוב צו אנדערהאלבן שעה ווען דערביי האט זיך אנגעזעהן א ריזן ציבור אנשי שלומינו, זקנים עם נערים ובראשם רבני ודייני העיר, וואס זענען געקומען פון נאנט און ווייט זיך צו וואונטשן 'לשנה טובה' ביים רב,
דערנאך איז דער רב אהיים לביתו.

= יום א' דראש השנה =

ארום 8:00 אינדערפרי איז דער רב אריינגעקומען בהיכל בית מדרשינו הגדול צו תפילת שחרית,
דער רב האט פארגעזאגט ברכות, און דערנאך האט דער בעל תפילה אנגעהויבן זינגען אדון עולם,
בעל תפילה פסוקי דזמרה: הרה"ג ר' אברהם וואלף שנעבאלג שליט"א - מו"ץ ביהמ"ד אור ישראל אלימלך דקהילתינו הק',
שחרית: הרה"ג ר' אלתר טייטלבוים שליט"א - ר"מ ישיבתינו הק' ק"י.

ביים ליינען זענען נתכבד געווארן;
הוצאה והכנסה: הרה"ג ר' אברהם חיים מוטצען שליט"א, און הר"ר מיכל ניימאן שליט"א,
דער רב איז געווען בעל קורא און פארגעליינט בהתעוררות רב אנגעטוהן מיט'ן קיטל און ווייסע קאפל,
כהן: חתנו הגה"צ ר' יואל גלאנץ שליט"א - מו"ץ בקהילתינו הק',
לוי: הרה"ח ר' אברהם יוסף פריעדמאן הי"ו,
שלישי: הרה"ח ר' אלי' לייב ראזענבערג הי"ו,
חמישי: הגה"צ אבדק"ק ור"מ שליט"א,
הגבה אויף די ערשטע ספר: הרה"ח ר' פישל שאפער הי"ו,
גלילה: הרה"ח ר' טובי' שעהנפעלד הי"ו,
מפטיר: הרה"ח ר' אברהם שלמה כהנא הי"ו,
הגבה אויף די צווייטע ספר: הרה"ח ר' אפרים שטערן הי"ו,
גלילה: הרה"ח ר' מנחם הירש הי"ו,
נאכ'ן ליינען האבן די פילע געסט גומל געבענטשט,
מען האט געענדיגט ארום 11:55,
עס איז געווען פויזע,
דער רב איז געגאנגען אין מקוה כהכנה לתקיעת שופר, און דערנאך אריין בחדרו הפרטי.