🌴 בצל מורינו 🌴

🌴בצל מורינו🌴
= שבת קודש פרשת נצבים =

ערש"ק ארום 7:25 איז הגה"צ אבדק"ק ור"מ שליט"א אריינגעקומען בהיכל בית מדרשינו הגדול,
מיט תפילת מנחה האט דער רב מכבד געווען הרה"ג ר' מנחם נפתלי טייטלבוים שליט"א - אב"ד טשענסקאוויץ,
נאכ'ן דאווענען איז דער ציבור אריבער זאגן גוט שבת,
מ'האט געענדיגט ארום 9:10, און דער רב האט פארלאזט דעם בנין הביהמ"ד.

= התוועדות ליל שבת קודש =

ארום 11:10 איז דער רב אריינגעקומען אין היכל מאיר זעליג בבית מדרשינו הגדול צום התוועדות ליל שב"ק,
דער רב האט טועם געווען חלה און אנגעהויבן עטליכע ניגוני שבת,
דער רב האט דערציילט עטליכע סיפורי צדיקים משולב בדברי תורה על פרשת השבוע.

מיט כל מקדש האט דער רב מכבד געווען הרה"ח ר' משה אפרים הערשקאוויטש הי"ו,
דערנאך האט דער רב נאכגעזאגט הערליכע ציצים ופרחים על פרשת השבוע בתוספת נופך משלו,
דער רב האט טועם געווען קוגל און מ'האט פארטיילט פאר'ן ציבור,
דערנאך האט דער רב געמאכט א לחיים און געוואונטשן פאר'ן גאנצן ציבור.

דער רב האט אנגעהויבן מנוחה ושמחה,
דערנאך האט דער רב משמיע געווען דברי תורה אויף די פסוקים בפרשת השבוע און עס אויסגעטייטשט בדרך דרוש ופלפול.

מען האט אויפגעגעבן לעבער,
קה אכסוף: הר"ר יחיאל מיכל ניימאן שליט"א - ר"מ בישיבה קטנה סניף היכל התורה,
ויהיו רחמיך: מוה"ר משה לייב טרעגער הי"ו.

דערנאך האט מען געבענטשט,
נאכ'ן בענטשן האט מען אויפגעגעבן פירות און דער רב האט פארטיילט פאר די פרישע חתנים,
דערנאך האט דער רב דערציילט עובדות וסיפורים פון הרה"ק השר שלום מבעלז זי"ע וואס די יארצייט איז געפאלן בעצם יום השבת קודש - כ"ז אלול.

אז ביום השביעי: מוה"ר יואל פאוועל הי"ו,
דערנאך איז דער ציבור אריבער זאגן א גוט שבת,
מ'האט געענדיגט ארום 12:20, און דער רב האט פארלאזט דעם בנין הביהמ"ד.

= וביום השבת קודש =

ארום 9:30 אינדערפרי איז דער רב אריינגעקומען בהיכל בית מדרשינו הגדול צו תפילת שחרית,
ביים ליינען האט דער רב עולה געווען שישי,
נאכ'ן דאווענען איז דער ציבור אריבער זאגן גוט שבת,
דערנאך איז דער רב אריבער אין היכל מאיר זעליג וואו עס איז פארגעקומען דעם קידוש לרגל הולדת הבת אצל מוה"ר שמואל מאיר כ"ץ הי"ו,
מ'האט געענדיגט ארום 12:25, און דער רב האט פארלאזט דעם בנין הביהמ"ד.

= רעוא דרעוין =

ארום 7:25 נאכמיטאג איז דער רב אריינגעקומען בהיכל בית מדרשינו הגדול צו תפילת מנחה,
ביים ליינען איז דער רב געגאנגען הגבה.

נאך תפילת מנחה האט זיך דער רב געוואשן צו שלש סעודות,
נאך די פיש האט דער רב געמאכט א לחיים און געוואונטשן פאר'ן גאנצן ציבור,
דערנאך האט דער רב אנגעהויבן די זמירות של"ס,
מיט אודה האט דער רב מכבד געווען הר"ר יודא בער טעללער שליט"א - מנהל רוחני במוסדותינו הק',
שיר המעלות: הרה"ח ר' אשר ווידער הי"ו - מאנטריאל.

דערנאך האט דער רב געזאגט שלש סעודות תורה, דער רב האט זיך געשטעלט אויפ'ן פסוק 'כי קרוב אליך הדבר מאוד בפיך ובלבבך לעשותו' און עס אויסגעטייטשט אויף דריי מהלכים בדרך מוסר וחסידות,
ביים ערשטן אופן האט דער רב ארויסגעברענגט וויאזוי מען קען נוצן דאס מויל מיט וואס האט געזינדיגט צו בעטן מחילה פונעם אויבערשטן, וויבאלד ווען מ'זינדיגט מיט'ן מויל קומט עס נישט מקירות הלב, משא"כ ווען מ'בעהט מחילה איז דער לשון א קולמוס הלב,
ביים צווייטן אופן האט דער רב ארויסגעברענגט וויאזוי מען קען בעטן אויף געלט און אנדערע גשמיות'דיגע זאכן, וויבאלד אלעס איז נאר צו קענען טוהן מצוות און דינען דעם אויבערשטן,
ביים דריטן אופן האט דער רב מסביר געווען בצחות לשונו וואס איז דער טאג ראש השנה ספעציעל מער פון אנדערע טעג אז מען דארף תשובה טוהן און ממליך זיין דעם אויבערשטן, אויבנאויף איז עס לכאו' א התחייבות אויף א איד א גאנץ יאר,
דער רב האט ארומגערעדט איבער נאך פילע ענינים וואס זענען נוגע לקראת דעם יום הדין און בקול בכי מעורר געווען לתשובה ותיקון המעשים, און דערנאך צוגעענדיגט מיט ברכות לרוב.

ידיד נפש: הרה"ח ר' יענקל טעללער הי"ו,
קל מסתתר: הרה"ח ר' חיים הלוי העללער הי"ו.

דערנאך האט דער רב געבענטשט על הכוס,
הגבהת הכוס: הגה"צ ר' יואל הכהן גלאנץ שליט"א - מו"ץ בקהילתינו הק',
מען האט געדאווענט תפילת מעריב, און דערנאך איז דער ציבור איז אריבער זאגן א גוטע וואך,
מען האט געענדיגט ארום 9:45, און דער רב האט פארלאזט דעם בנין הביהמ"ד.

א גוטן טאג.
~🌴~