🌴 בצל מורינו 🌴

🌴בצל מורינו🌴
= שבת קודש פרשת כי תצא =

ערש"ק ארום 7:45 איז הגה"צ אבדק"ק ור"מ שליט"א אריינגעקומען בהיכל בית מדרשינו הגדול וואו דער רב האט יורד געווען לפני התיבה צו תפילת מנחה,
נאכ'ן דאווענען איז דער ציבור אריבער זאגן גוט שבת,
מ'האט געענדיגט ארום 9:30, און דער רב האט פארלאזט דעם בנין הביהמ"ד.

= התוועדות ליל שבת קודש =

ארום 12:45 איז דער רב אריינגעקומען אין היכל מאיר זעליג בבית מדרשינו הגדול צום התוועדות ליל שב"ק,
דער רב האט טועם געווען חלה און אנגעהויבן עטליכע ניגוני שבת,
דער רב האט דערציילט עטליכע סיפורי צדיקים משולב בדברי תורה על פרשת השבוע.

מיט כל מקדש האט דער רב מכבד געווען מוה"ר עקיבא ראזענבוים הי"ו,
דערנאך האט דער רב נאכגעזאגט הערליכע ציצים ופרחים על פרשת השבוע בתוספת נופך משלו,
דער רב האט טועם געווען קוגל און מ'האט פארטיילט פאר'ן ציבור,
דערנאך האט דער רב געמאכט א לחיים און געוואונטשן פאר'ן גאנצן ציבור.

דער רב האט אנגעהויבן מנוחה ושמחה,
דערנאך האט דער רב משמיע געווען דברי תורה אויפ'ן פסוק 'כי תצא למלחמה על אויביך ונתנו ה' אלקיך בידך ושבית שביו', און עס אויסגעטייטשט בדרך דרוש ופלפול,
דערנאך האט דער רב אויסגעטייטשט די פסוקים בדרך אגדה ומוסר אז 'ונתנו ה' אלקיך בידך' גייט ארויף אויף יראת שמים וואס דער באשעפער האט אריינגעלייגט בידו פונעם מענטש אליינס צו ארבעטן דערויף אזויווי די גמרא זאגט הכל בידי שמים חוץ מיראת שמים, און 'ושבית שביו' גייט ארויף שבת קודש,
דערביי האט דער רב ארומגערעדט גאר שטארק בענין קדושת שבת און באזונדער איבער די יראת שמים וואס איז געװען ביי רבותינו הקדושים און די צדיקים הקודמים א גאנץ יאר און ספעציעל אום חודש אלול, און ארויסגעברענגט וויאזוי א חודש אלול דארף אויסזעהן ביי אונז, און דעם אימת הדין וואס מיר דארפן האבן אין די יעצטיגע טעג, און צוגעענדיגט מיט ברכות לרוב.

מען האט אויפגעגעבן לעבער,
קה אכסוף: מוה"ר דוד שמעון פראמאוויטש הי"ו,
ויהיו רחמיך: מוה"ר יצחק טובי' פריעדמאן הי"ו,
ברכת המזון: בנו הר"ר זלמן לייב שליט"א.

נאכ'ן בענטשן האט מען אויפגעגעבן פירות און דער רב האט פארטיילט פאר די פרישע חתנים,
דערנאך האט דער רב דערציילט עובדות וסיפורים פון רבותינו הקדושים וואס די יארצייט געפאלט דעם קומענדיגן וואך.
אז ביום השביעי: הרה"ח ר' אייזיק אפעלדארפער הי"ו,
דערנאך איז דער ציבור אריבער זאגן א גוט שבת,
מ'האט געענדיגט ארום 1:55, און דער רב האט פארלאזט דעם בנין הביהמ"ד.

= וביום השבת קודש =

ארום 9:30 איז דער רב אריינגעקומען בהיכל בית מדרשינו הגדול צו תפילת שחרית,
ביים ליינען האט דער רב עולה געווען שישי,
דערנאך האט מען געדאווענט תפילת מוסף,
נאכ'ן דאווענען איז דער ציבור אריבער זאגן גוט שבת,
און דערנאך ארום 12:20 האט דער רב פארלאזט דעם בנין הביהמ"ד.