🌴 בצל מורינו 🌴

🌴בצל מורינו🌴
= שבת קודש פרשת שופטים - ו' אלול יומדהל"ק של מרן הגה"ק בעל ייטב לב זי"ע - שבת התוועדות עם תלמידי ישיבה קטנה סניף דרך התורה וסניף שביל התורה - מחנה מאור התורה סאוט פאלסבורג נ.י. =

ערש"ק אין די נאכמיטאג שעה'ן איז הגה"צ אבדק"ק ור"מ שליט"א אנגעקומען אינעם מחנה וואו דער רב האט געפראוועט דעם גאנצן שבת קודש אינאיינעם מיט די תלמידי הישיבה קטנה פון ביידע סניפים.

ארום 6:00 איז דער רב אריינגעקומען בהיכל הביהמ"ד אינעם מחנה וואו עס איז פארגעקומען דעם וועכנטליכן שבת אחים פאר די תלמידי הישיבה פון ביידע סניפים,
ביים אריינקומען האט מען געזינגען עטליכע ניגוני שבת קודש,
דערנאך האט דער רב משמיע געווען דברי הכנה צום גרויסן שבת אין וועלכע מ'גייט יעצט אריין, דער רב האט ארויסגעברענגט אז מען דארף מאכן דעם ריכטיגן הכנה צו קענען קונה זיין פונעם שבת און ארויסנעמען וואס מ'דארף,
און ארומגערעדט איבער די גרויסקייט פון א שבת קודש אין חודש אלול, און צוגעענדיגט מיט ברכות לרוב.

אום 7:00 האט דער רב געצינדן די נרות שבת מיט א ברכה, און דערנאך אהיים לביתו אינעם מחנה.

ארום 7:35 איז דער רב אריינגעקומען בהיכל הביהמ"ד וואו דער רב האט יורד געווען לפני התיבה צו תפילת מנחה,
דערנאך האט מען געדאווענט קבלת שבת ומעריב,
מזמור לדוד הבו לה' האט דער רב פארגעזאגט פסוק בפסוק כמנהג סיגוט,
נאכ'ן דאווענען איז מען אריבער זאגן גוט שבת, און דער רב איז אהיים לביתו.

= סעודת ליל שבת קודש =

ארום פופצן מינוט נאכ'ן גוט שבת זאגן אז דער רב אריינגעקומען בהיכל הביהמ"ד צום סעודת ליל שבת קודש,
צום ערשט האט דער רב אנגעהויבן ווארעמע ניגוני שבת, און דערנאך ממשיך געווען מיט די זמירות,
דערנאך קידוש געמאכט מיט גרויס התלהבות און מוציא געווען אלע בחורים,
מיט הגבהת הכוס איז מכובד געווארן בנו הרה"ג ר' זלמן לייב שליט"א - אב"ד סיגוט.

דער רב האט זיך געוואשן און מ'האט אויפגעגעבן די פיש,
נאך די פיש האט דער רב געמאכט א לחיים און געוואונטשן פאר'ן גאנצן ציבור,
דערנאך האט דער רב משמיע געווען דברי הדרכה בעבודת ה' בדרך החסידות און ארויסגעברענגט די זכיה וואס מיר האבן אז מיר זענען סאטמאר'ע חסידים, און אזויווי דער רבי ז"ל האט זיך אויסגעדרוקט אז א סאטמאר'ער איד מיינט איינער וואס רירט זיך נישט קיין קוצו של יוד פונעם שו"ע,
דער רב האט אויפגעפאדערט ווייטער זיך צו האלטן צו די השקפה און מסורה שנמסר לנו מדור דור, און בפרט היינט ווען עס איז דא אזויפיל פרעמדע משפיעים וואס מ'קען נשפע ווערן פון זייערע פרעמדע השקפות, און צוגעענדיגט מיט ברכות לרוב.

מען האט אויפגעגעבן די זופ און פלייש, און די איבריגע מאכלי הסעודה,
מען האט געזינגען כל מקדש און מנוחה ושמחה און נאך ניגוני שבת,
דערנאך האט דער רב משמיע געווען דברי תורה אויף די פסוקים בפרשת השבוע און עס אויסגעטייטשט בדרך פרד"ס, און ממשיך געווען מיט דברי הכנה לימים נוראים,
דערנאך האט מען געזינגען פילע ניגוני שבת וניגוני ימים נוראים.

מיט קה אכסוף האט דער רב מכבד געווען הרה"ח בערל לעווי הי"ו - וומ"ס,
דערנאך האט מען געבענטשט,
מיט ברכת המזון האט דער רב מכבד געווען בנו הרה"ג ר' זלמן לייב שליט"א,
נאכן בענטשן האט מען אויפגעגעבן פירות, און די חתנים מיוצאי ישיבה זענען אריבער נעמען פירות, און דערנאך האט מען פארטיילט פאר'ן גאנצן ציבור,
דערנאך האט דער רב דערציילט עובדות וסיפורים פון זקינו הגה"ק בעל ייטב לב זי"ע וואס די יארצייט איז געפאלן בעצם יום השבת קודש - ו' אלול,
דערנאך האט דער רב פארגעזינגען עטליכע ניגונים, צווישן אנדערע אודה לקל און אדיר הוא בעליונים,
מיט אז ביום השביעי האט דער רב מכבד געווען הרה"ח ר' חיים מיכל שווארץ הי"ו - מנכ"ל,
מען האט געענדיגט ארום 2:10, און דער רב איז אהיים לביתו.

= וביום השבת קודש =

אום 5:00 פארטאגס איז דער רב געגאנגען אין מקוה אינעם מחנה און דערנאך אהיים לביתו,
ארום 10:30 איז דער רב אריינגעקומען בהיכל הביהמ"ד צו תפילת שחרית,
דער רב האט יורד געווען לפני התיבה צו תפלת שחרית,
הכל יודוך האט דער רב פארגעזאגט פסוק בפסוק כמנהג סיגוט,
ביים ליינען האט דער רב עולה געווען שישי און דערנאך געמאכט א מי שברך פאר נכדי רביה"ק בעל ברך משה,
מען האט געענדיגט ארום 1:15, און דער רב איז אהיים לביתו.

= סעודת יום שבת קודש =

ארום 2:00 איז דער רב אריינגעקומען בהיכל הביהמ"ד צום סעודת יום שבת קודש,
דער רב האט געמאכט קידוש, און דערנאך זיך געוואשן, און מ'האט אויפגעגעבן די פיש,
נאך די פיש האט דער רב געמאכט א לחיים און געוואונטשן פאר'ן גאנצן ציבור.

מען האט מאריך געווען מיט ניגוני שבת קודש,
דערנאך האט מען אויפגעגעבן די אייער, און דער רב האט פארטיילט פון די אייער פאר נכדי רביה"ק בעל ברך משה, דערנאך האט מען אויפגעגעבן די טשולענט און די ווייטערדיגע מאכלי הסעודה.