🌴 בצל מורינו 🌴

= זונטאג פרשת ואתחנן =

אום 8:30 אינדערפרי האט הגה"צ אבדק"ק ור"מ שליט"א געדאווענט תפילת שחרית אין חדר א' בבית מדרשינו הגדול אין ווילאמסבורג.

שפעטער האט זיך דער רב ארויסגעלאזט אויפ'ן וועג צו די קעטסקיל'ס.

ארום 12:00 איז דער רב אנגעקומען צו עקזיט 7 (וויליס) אין מחנה קרית ויואל משה שע"י איחוד התלמידים ד'סאטמאר אין מאנטיסעלא נ.י. וואו דער רב האט פארגעלערנט דעם וועכנטליכן שיעור חזרה בחבורת יסודי התורה וואס קומט פאר יעדע וואך אין בית המדרש ברך משה דקהילתינו הק' אין וויליאמסבורג,
דער רב האט פארגעלערנט מסכת גיטין דף ל"ד - ל"ז,
מ'האט געענדיגט ארום 1:45.

שפעטער האט זיך דער רב ארויסגעלאזט אויפ'ן וועג קיין קרית יואל וואו דער האט געדאווענט תפילת מנחה בבית מדרשינו הגדול אין קרית יואל,
אויפדערנאכט האט זיך דער רב ארויסגעלאזט אויפ'ן וועג צוריק קיין וויליאמסבורג.

א גוטן טאג.