🌴 בצל מורינו 🌴

🌴בצל מורינו🌴
= מיטוואך פרשת דברים =

אום 8:00 אינדערפרי איז הגה"צ אבדק"ק ור"מ שליט"א אנגעקומען אין ישיבה קטנה סניף שביל התורה בהנהלת הר"ר יואל ניימאן שליט"א וועלכע געפונט זיך אויפן רוט 208 אין קרית יואל המורחבת,
דער רב איז אריינגעקומען בהיכל הביהמ"ד און זיך אומגעקוקט אויף די לימודים מיט גרויס קורת רוח,
דערנאך האט דער רב האט געדאווענט תפילת שחרית בהיכל הישיבה.

נאכן דאווענען איז פארגעקומען א מעמד קביעת מזוזה פארן נייעם בנין הישיבה אין וואס מ'האט זיך אריינגעצויגן אין די פארגאנגענע וואכן,
דער רב האט קובע געווען א מזוזה אויף דעם שער הביהמ"ד, און דערנאך מכבד געווען די רמ"י הישיבה צו קלאפן א מזוזה.

דערנאך איז פארגעקומען א מסיבת לחיים אינאיינעם מיטן וועכנטליכן שבת אחים,
דער רב האט משמיע געווען א דרשה און ארומגערעדט איבער די גרויסקייט פון די יעצטיגע טעג אין וואס מיר שטייען, די ימי בין המצרים, און ווי שטארק אידן דארפן ארויסקוקן אויסגעלייזט צו ווערן פונעם ביטערן גלות, און האפנטליך דאס יאר וועט שוין תשעה באב זיין א גרויסע געהויבענע יו"ט,
דער רב האט ארויסגעברענגט פאר די בחורים אז אזויווי ביי מצות מזוזה מאכן מיר א פשרה עס צו לייגן שיעף און יוצא זיין ביידע שיטות, דארפן די בחורים אין ישיבה אויך זעהן צו מאכן פשרות כדי מרבה צו זיין באהבת חברים, ספעציעל ווען מען דרייט זיך צוזאמען א גאנצן טאג און מען שלאפט איבער אין ישיבה איז גרינגער מרבה צו זיין מיט אהבה ואחוה וואס דאס איז מקרב דעם גאולה שלימה, און מסיים געווען מיט ברכות לרוב.

מ'האט געענדיגט ארום 11:00, און דער רב האט פארלאזט דעם בנין הישיבה אויפן וועג אהיים לביתו אין ק"י.

ארום 4:20 נאכמיטאג האט זיך דער רב ארויסגעלאזט אויפן וועג צו די קעטסקילס,
ארום 5:00 איז דער רב אנגעקומען אין מחנה ישיבה לצעירים, און דער רב איז אהיים לביתו אינעם מחנה.

ארום 5:30 האט דער רב פארלאזט דעם מחנה אויפן וועג צו מחנה ישיבה קטנה סניף מבצר התורה בהנהלת הר"ר נתן נטע מאשקאוויטש שליט"א וועלכע געפונט זיך אין די מאנטיסעלא געגנט,
ביים אנקומען איז דער רב אריין בהיכל הביהמ"ד און געדאווענט תפילת מנחה אינאיינעם מיט די תלמידי הישיבה.

נאך מנחה איז פארגעקומען א מסיבת לחיים,
דער רב האט געמאכט א לחיים און געוואונטשן פאר'ן גאנצן ציבור,
דער רב האט משמיע געווען א דרשה און ארומגערעדט בעניני גלות וגאולה ובפרט איבער דעם ענין פון צפית לישועה, ווי שטארק א איד דארף האבן בענקעניש אויף די גאולה שלימה אז ס'זאל שוין זיין בקרוב ממש, און אויסגעפירט אז מ'דארף האפן אז דעם קומענדיגן זונטאג זאל שוין זיין א יום טוב, און דער רב האט מסיים געווען מיט ברכות לרוב.
דערנאך איז געגעבן געווארן דעם געלעגנהייט פאר די תלמידי הישיבה חברי חבורת קדושת יום טוב אריינצוגיין פריוואט צום רב און זיך אדורכשמועסן ענינים וואס זענען נוגע אין פערזענליכן לעבן,
מ'האט געענדיגט ארום 7:20, און דער רב האט פארלאזט דעם בנין הישיבה.

ארום 7:50 איז דער רב אנגעקומען אין מחנה ישיבה קטנה סניף נזר התורה בהנהלת הר"ר יואל ראזענבערג שליט"א וועלכע געפונט זיך אינעם מאונטענדעיל געגנט,
דער רב איז אריינגעקומען בהיכל הביהמ"ד וואו עס איז פארגעקומען א מסיבת לחיים, דער רב האט געמאכט א לחיים און געוואונטשן פאר'ן גאנצן ציבור,
דער רב האט משמיע געווען א דרשה און ארומגערעדט איבער דעם גאלדענעם געלעגנהייט וואס מ'האט דא אין קעמפ אין די זוממער וואכן צו ארבעטן אויף מידות טובות וואס אזוי איז מען מקרב די גאולה אויף וואס מיר ווארטן שוין אזויפיל יאר, און ארויסגעברענגט וויפיל מ'קען אויסנוצן די טעג און וואכן צו שטייגן מעלה מעלה אויף אן אויסטערלישן פארנעם, און מ'זאל זעהן עס אויסצונוצן און נישט פארפאטשקענען דעם געלעגנהייט, און צוגעענדיגט מיט ברכות לרוב.

דערנאך איז געגעבן געווארן דעם געלעגנהייט פאר די תלמידי הישיבה חברי חבורת קדושת יום טוב אריינצוגיין פריוואט צום רב און זיך אדורכשמועסן ענינים וואס זענען נוגע אין פערזענליכן לעבן,
מ'האט געענדיגט ארום 8:50, און דער רב האט פארלאזט דעם בנין הישיבה אויפ'ן וועג צוריק קיין מחנה ישיבה לצעירים אין ליבערטי.

אום 9:45 איז דער רב אריינגעקומען בהיכל הביהמ"ד אינעם מחנה צו תפילת מעריב, און דערנאך איז דער רב אהיים לביתו.

א גוטן טאג.
~🌴~