🌴 בצל מורינו 🌴

🌴בצל מורינו🌴
= שבת קודש פרשת מטו"מ - ראש חודש מנחם אב =

ערש"ק ארום 7:30 נאכמיטאג איז הגה"צ אבדק"ק ור"מ שליט"א אריינגעקומען בהיכל הביהמ"ד אין מחנה ישיבה לצעירים וואו דער רב האט אפגעברענט די ליכט לכבוד שבת קודש כנהוג.

ארום 8:40 איז דער רב אריינגעקומען בהיכל הביהמ"ד און יורד געווען לפני התיבה צו תפילת מנחה,
דערנאך האט מען געדאווענט קבלת שבת,
נאכ'ן דאווענען זענען די תלמידי הישיבה אריבער זאגן גוט שבת,
מ'האט געענדיגט ארום 10:10, און דער רב איז אהיים לביתו אינעם מחנה.

= סעודת ליל שבת קודש =

ארום 10:35 איז דער רב אריינגעקומען בהיכל הביהמ"ד וואו דער רב האט געפראוועט דעם סעודת ליל שבת קודש אינאיינעם מיט די תלמידי הישיבה,
דער רב האט אנגעהויבן די זמירות און דערנאך קידוש געמאכט און מוציא געווען אלע בחורים,
מיט הגבהת הכוס איז מכובד געווארן ש"ב הב' שלום אליעזר ני"ו בן הרה"ג ר' מרדכי אהרן מייזליש שליט"א - מרבני קהילתינו הק' וומ"ס.

דער רב האט זיך געוואשן און מהאט אויפגעגעבן די פיש,
נאך די פיש האט דער רב געמאכט א לחיים און געוואונטשן פאר'ן גאנצן ציבור,
מען האט געזינגען ניגוני שבת,
דערנאך האט דער רב משמיע געווען דברי תורה על פרשת השבוע,
און ארומגערעדט איבער דעם ענין פון זיך צוגרייטן צום דאווענען מיט אן ערנסטקייט, ס'איז דא צוויי נקודות וויאזוי מ'דארף צוגיין צו א דאווענען, איינס דע לפני מי אתה עומד, צווייטנס נישט רעדן פאר'ן דאווענען, דער רב האט גאר שטארק צולייגט דעם ענין ווי חשוב עס זענען די תפילות פון יעדן איד און ווי שטארק מ'קוקט ארויס דערויף אויבן אין הימל און וויאזוי ס'קוקט אויס ווען מען קומט אריין אין ביהמ"ד און מ'דאווענט שנעל אפ, און מעורר געווען די בחורים אז עס דארף זיין נארמאל און מ'דארף אפילו נישט רעדן פון אזעלכע ענינים.

מ'האט געזינגען די זמירות שבת, כל מקדש און מנוחה ושמחה,
דערנאך האט מען אויפגעגעבן די זופ,
דערנאך האט דער רב האט משמיע געווען דברי תורה אויפ'ן פסוק 'לא יחל דברו' און אויף די מסורה 'יחל ישראל אל ה', און עס אויסגעטייטשט בדרך דרוש ופלפול, און אויף עטליכע מהלכים בדרך פרד"ס.

מ'האט אויפגעגעבן די פלייש און די איבריגע מאכלי הסעודה, און מ'האט ממשיך געווען מיט די זמירות שבת קודש,
דערנאך האט מען געבענטשט,מיט ברכת המזון האט דער רב מכבד געווען הר"ר הערשל טעללער שליט"א - ר"מ בישיבה,
נאכ'ן בענטשן האט מען אויפגעגעבן פירות,
דערנאך האט דער רב דערציילט עובדות וסיפורים פון קרייזער רב הרה"ק ר' אהרן הלברשטאם זצ"ל וואס די יארצייט איז געפאלן שב"ק - ר"ח מנחם אב,
מ'האט געענדיגט ארום 1:30, און דער רב איז אהיים לביתו.

= וביום השבת קודש =

שבת אינדערפרי ארום 10:25 איז דער רב אריינגעקומען בהיכל הביהמ"ד צו תפילת שחרית,
דער רב האט יורד געווען לפני התיבה צו תפילת שחרית ואמירת הלל און פארגעדאווענט מיט גרויס התעוררות,
ביים ליינען האט דער רב עולה געווען שישי,
נאך תפילת מוסף זענען די תלמידי הישיבה אריבער זאגן גוט שבת,
מ'האט געענדיגט ארום 1:20, און דער רב איז אהיים לביתו.

נאך עטליכע מינוט ארום 1:45 איז דער רב אריינגעקומען בהיכל הביהמ"ד צום סעודת יום שבת קודש,
דער רב האט געמאכט קידוש, און דערנאך זיך געוואשן, און מ'האט אויפגעגעבן די פיש,
נאך די פיש האט דער רב געמאכט א לחיים און געוואונטשן פאר'ן גאנצן ציבור.

במשך די סעודה האט מען מאריך געווען מיט לענגערע זמירות שירות ותשבחות, ונגיני גלות וגאולה.

מען האט אויפגעבן די אייער און די טשולענט און די ווייטערדיגע מאכלי הסעודה,
מ'האט געענדיגט ארום 3:00, און דער רב איז אהיים לביתו.