🌴 בצל מורינו 🌴

🌴בצל מורינו🌴
= שבת קודש פרשת פנחס =

ערש"ק ארום 7:30 נאכמיטאג איז הגה"צ אבדק"ק ור"מ שליט"א אריינגעקומען בהיכל הביהמ"ד אין מחנה ישיבה לצעירים וואו דער רב האט אפגעברענט די ליכט לכבוד שבת קודש כנהוג.

ארום 8:45 איז דער רב אריינגעקומען בהיכל הביהמ"ד און יורד געווען לפני התיבה צו תפילת מנחה,
דערנאך האט מען געדאווענט קבלת שבת,
נאכ'ן דאווענען זענען די תלמידי הישיבה אריבער זאגן גוט שבת,
מ'האט געענדיגט ארום 10:20, און דער רב איז אהיים לביתו אינעם מחנה.

= סעודת ליל שבת קודש =

ארום 10:35 איז דער רב אריינגעקומען בהיכל הביהמ"ד וואו דער רב האט געפראוועט דעם סעודת ליל שבת קודש אינאיינעם מיט די תלמידי הישיבה,
דער רב האט אנגעהויבן די זמירות און דערנאך קידוש געמאכט און מוציא געווען אלע בחורים,
מיט הגבהת הכוס איז מכובד געווארן ש"ב הב' שלום אליעזר ני"ו בן הרה"ג ר' מרדכי אהרן מייזליש שליט"א - מרבני קהילתינו הק' וומ"ס.

דער רב האט זיך געוואשן און מהאט אויפגעגעבן די פיש,
נאך די פיש האט דער רב געמאכט א לחיים און געוואונטשן פאר'ן גאנצן ציבור,
מען האט געזינגען ניגוני שבת,
דערנאך האט דער רב משמיע געווען דברי תורה על פרשת השבוע, און ארומגערעדט איבער דעם ענין פון מאכן מאה ברכות יעדן טאג, די חשיבות און גרויסקייט דערפון, און די סגולות וואס דאס ברענגט מיט מיט זיך, אזוי אויך האט דער רב ארומגערעדט איבער דעם נחיצות פון זיין צייטליך ביים דאווענען יעדן טאג ובפרט שבת, און פארלאנגט אז די בחורים זאלן שטיין דערויף מיט א שטארקייט.

מ'האט געזינגען די זמירות שבת, כל מקדש און מנוחה ושמחה,
דערנאך האט מען אויפגעגעבן די זופ,
דערנאך האט דער רב האט משמיע געווען דברי תורה אויפ'ן פסוק 'פינחס בן אלעזר בן אהרן הכהן השיב את חמתי מעל בני ישראל', און עס אויסגעטייטשט בדרך דרוש ופלפול אין די סוגיא פון 'אכל חלב ביוה"כ'.

מ'האט אויפגעגעבן די פלייש און די איבריגע מאכלי הסעודה, און מ'האט ממשיך געווען מיט די זמירות שבת קודש,
דערנאך האט מען געבענטשט,
מיט ברכת המזון האט דער רב מכבד געווען הר"ר יעקב יצחק ווינקלער שליט"א - ר"מ בישיבה,
נאכ'ן בענטשן האט מען אויפגעגעבן פירות,
דערנאך האט דער רב דערציילט עובדות וסיפורים פונעם ראש השושלתא מרן הגה"ק בעל ישמח משה זי"ע וואס די יארצייט געפאלט דעם קומענדיגן דאנערשטאג כ"ח תמוז,
מ'האט געענדיגט ארום 1:40, און דער רב איז אהיים לביתו.

= וביום השבת קודש =

שבת אינדערפרי אום 10:15 איז דער רב אריינגעקומען בהיכל הביהמ"ד צו תפילת שחרית, דער רב האט געזאגט ברכות,
מען האט ממשיך געווען מיט פסוקי דזמרה און תפילת שחרית,
ביים ליינען האט דער רב עולה געווען שישי,
נאכ'ן ליינען האט דער רב ראש חודש געבענטשט מיט גרויס התעוררות,
דערנאך האט דער רב יורד געווען לפני התיבה צו תפילת מוסף לרגל דעם יארצייט פון זקינו מרן הגה"ק בעל ישמח משה זי"ע,
נאכ'ן דאווענען זענען די תלמידי הישיבה אריבער זאגן גוט שבת,
מ'האט געענדיגט ארום 1:00, און דער רב איז אהיים לביתו.

= רעוא דרעוין =

אום 7:30 נאכמיטאג איז דער רב אריינגעקומען בהיכל הביהמ"ד צו תפילת מנחה,
ביים ליינען איז דער רב געגאנגען הגבה,
נאכ'ן דאווענען איז דער רב צוריק אהיים לביתו.

ארום 8:25 איז דער רב אריינגעקומען בהיכל הביהמ"ד און זיך געוואשן צו שלש סעודות,
נאך די פיש האט דער רב געמאכט א לחיים און געוואונטשן פאר'ן גאנצן ציבור,
דערנאך האט דער רב אנגעהויבן די זמירות של"ס,
און מען האט ממשיך געווען מיט לענגערע ניגוני שבת קודש וניגוני גלות וגאולה פאר א לענגערע צייט, צווישן אנדערע האט מען געזינגען די ניגונים איזהו מקומן און אני מאמין בהתעוררות רב.

דערנאך האט דער רב געזאגט שלש סעודות תורה,
דער רב האט זיך געשטעלט אויפ'ן פסוק 'פינחס בן אלעזר בן אהרן הכהן השיב את חמתי מעל בני ישראל', און געפרעגט פילע קושיות ודקדוקים בפסוקי ומדרשי הפרשה,
דער רב האט א לענגערע צייט ארומגערעדט איבער דעם ענין פון קנאת סופרים תרבה חכמה, און ארויסגעברענגט אז אין קעמפ איז עס אסאך מער נוגע, און מ'דארף עס זעהן אויסצונוצן למוטב,
דערנאך האט דער רב מאריך אינעם ענין פון כוונה בתפילה, מ'זאל אינזין האבן וואס מ'זאגט ביים דאווענען, ובפרט אין די יעצטיגע טעג פעלט אויס זיך מער מתאמץ צו זיין צוצולייגן כוונה ביי די שטיקלעך וואו מען בעהט אויף ביאת המשיח, און מסיים געווען מיט ברכות לרוב.

דערנאך האט מען ממשיך געווען מיט ניגוני קודש, און דערנאך האט דער רב געבענטשט על הכוס,
הגבהת הכוס: הרה"ג ר' הערשל הורוויץ שליט"א - מנהל הישיבה.

נאך מעריב האט דער רב געמאכט הבדלה און מוציא געווען די תלמידי הישיבה,
דערנאך האט דער רב געזאגט ויתן לך, און די בחורים האבן געזינגן,
דערנאך זענען די בחורים אריבער זאגן א גוטע וואך,
מ'האט געענדיגט ארום 11:00, און דער רב איז אהיים לביתו.

א גוטע נאכט.
~🌴~