🌴 בצל מורינו 🌴

🌴בצל מורינו🌴
= דאנערשטאג פרשת נשא =

ארום 7:10 אינדערפרי האט הגה"צ אבדק"ק ור"מ שליט"א פארגעלערנט דעם טעגליכן שיעור בחבורת יסודי התורה אין חדר א' בבית מדרשינו הגדול,
דער רב האט פארגעלערנט מסכת קידושין דף מ' ע"א וע"ב - מ"א ע"א,
מ'האט געענדיגט ארום 7:50, און דער רב איז ארויף בחדרו הפרטי.

ארום 9:00 האט דער רב געדאווענט תפילת שחרית אין חדר א',
ביים ליינען איז דער רב געגאנגען הגבה.

אין די פארמיטאג שעות האט זיך דער רב ארויסגעלאזט אויפ'ן וועג צו די קארנוואל געגנט וואו עס איז פארגעקומען די מעמד יציקת הבורות בראשות הוד כ"ק מרן רבינו הגה"ק שליט"א פאר די מקוה אינעם נייעם בנין הישיבה וועלכע ווערט געבויעט פאר ישיבה קטנה סניף דרך התורה וועלכע שטייט בראשות הגה"צ אבדק"ק ור"מ שליט"א,
דער רב איז אנגעקומען ארום 1:15 נאכמיטאג.

מיר לייגן דא ארויף די באריכט אהערגעשטעלט דורך מערכת בצל הקודש, ותשואות חן חן להם.

דער רבי איז צום ערשט ארום אינעם גאנצן בנין הישיבה אינאיינעם מיט בנו הגה"צ אב"ד ור"מ שליט"א און די הנהלת הישיבה,
דערנאך האט זיך דער רבי ארויסגעלאזט אויף א שפאציר און א שמועס בדברי תורה ופלפול מיט בנו הגה"צ אב"ד ור"מ שליט"א פאר א לענגערע צייט אויף א פריוואטע פארנעם.

דערנאך איז פארגעקומען די יציקת הבורות,
דער רבי האט געגאסן צעמענט און אריינגעלייגט עטליכע מטבעות,
דערנאך האט דער רבי מכבד געווען הגה"צ אב"ד ור"מ שליט"א און הר"ר יואל אפפענהיים שליט"א - מנהל הישיבה, און די הנהלת הישיבה צו גיסן די מקוה,
דערביי האט זיך פארצויגן א שיינע שמועס בעניני מקוואות מיט הרה"ג ר' יצחק טריגער שליט"א - מגדולי המומחים בעניני מקוואות.

דערנאך איז פארגעקומען א מסיבת לחיים בהיכל הישיבה,
עס האט זיך פארצויגן א שיינע שמועס איבער די הצלחה פון די ישיבה, איבער די תועלת פון לערנען אין א ישיבה מחוץ לעיר, און איבער די פלענער צו באנייען די בנין הישיבה אין די קומענדיגע וואכן בעז"ה,
מען האט געזינגען עטליכע ניגונים לכבוד המאורע, און דער רבי האט געמאכט א לחיים און אנגעוואונטשן פאר בנו הגה"צ אב"ד ור"מ שליט"א, פאר די הנהלת הישיבה און פאר די בוי מייסטערס פונעם בנין,
מען האט געענדיגט ארום 2:45.

שפעטער האט זיך דער רב ארויסגעלאזט אויפ'ן וועג צוריק קיין וויליאמסבורג.

ארום 7:00 פארנאכטס האט דער רב מסדר קידושין געווען ביים חופה פון החתן בן הר"ר משה אהרן פריעדמאן שליט"א - ר"מ בישיבה קטנה סניף מבצר התורה, עב"ג הכלה בת הרה"ג ר' מענדל מאיר מיטטעלמאן שליט"א - מו"ץ בקהילתינו הק', אין די זאל פון גינת אסתר.

ארום 9:00 האט דער רב געדאווענט תפילת מנחה, און דערנאך תפילת מעריב בזמן רבינו תם בבית מדרשינו הגדול.

נאך מעריב האט זיך דער רב באטייליגט ביים חתונה פון החתן בן הר"ר משה אהרן פריעדמאן שליט"א עב"ג הכלה בת הרה"ג ר' מענדל מאיר מיטטעלמאן שליט"א אין די זאל פון גינת אסתר.

א גוטע נאכט.
~🌴~