🌴 בצל מורינו 🌴

🌴בצל מורינו🌴
= שבת קודש פרשת במדבר =

ערש"ק ארום 8:45 איז הגה"צ אבדק"ק ור"מ שליט"א אריינגעקומען בהיכל בית מדרשינו הגדול און יורד געווען לפני התיבה צו תפילת מנחה,
מ'האט געדאווענט קבלת שבת און מעריב,
נאכ'ן דאווענען איז דער ציבור אריבער זאגן גוט שבת,
מ'האט געענדיגט ארום 10:20, און דער רב האט פארלאזט דעם בנין הביהמ"ד.

= התוועדות ליל שבת קודש =

ארום 12:15 איז דער רב אריינגעקומען אין היכל מאיר זעליג בבית מדרשינו הגדול צום התוועדות ליל שב"ק,
דער רב האט טועם געווען חלה און אנגעהויבן עטליכע ניגוני שבת,
דער רב האט דערציילט סיפורי צדיקים משולב בדברי תורה על פרשת השבוע.

מיט כל מקדש האט דער רב מכבד געווען מוה"ר יצחק אייזיק אפעלדארפער הי"ו,
דערנאך האט דער רב נאכגעזאגט דברי תורה על פרשת השבוע בתוספת נופך משלו,
דער רב האט טועם געווען קוגל און מ'האט פארטיילט פאר'ן ציבור,
דערנאך האט דער רב געמאכט א לחיים און געוואונטשן פאר'ן גאנצן ציבור.

דער רב האט אנגעהויבן מנוחה ושמחה,
דערנאך האט דער רב משמיע געווען דברי תורה אויפ'ן פסוק 'אלה הפקודים אשר פקד משה ואהרן ונשיאי ישראל שנים עשר, איש איש אחד לבית אבותיו היו' און עס אויסגעטייטשט בדרך דרוש ופלפול.

מען האט אויפגעגעבן לעבער,
קה אכסוף: מוה"ר שמואל מרדכי פיש הי"ו,
ויהיו רחמיך: הרה"ח ר' אהרן לעוו הי"ו,
ברכת המזון: הר"ר זלמן לייב שליט"א בן הגה"צ אבדק"ק ור"מ שליט"א.

נאכ'ן בענטשן האט מען אויפגעגעבן פירות און דער רב האט פארטיילט פאר די פרישע חתנים,
דערנאך האט דער רב דערציילט עובדות וסיפורים פונעם הייליגן בעש"ט זי"ע וואס די יארצייט געפאלט דעם יום טוב שבועות, און פון הרה"ק בעל דברי שלום מ'סטראפקוב זי"ע וואס די יארצייט געפאלט דעם קומענדיגן ו' סיון - יום א' דשבועות,
אז ביום השביעי: מוה"ר יוסף אורי ראזמאן הי"ו,
דערנאך איז דער ציבור אריבער זאגן א גוט שבת,
מ'האט געענדיגט ארום 1:30, און דער רב האט פארלאזט דעם בנין הביהמ"ד.

= וביום השבת קודש =

ארום 9:30 איז דער רב אריינגעקומען בהיכל בית מדרשינו הגדול צו תפילת שחרית,
ביים ליינען האט דער רב עולה געווען שישי,
נאך חמישי האט דער רב קורא שם געווען לבת הנולדה למז"ט אצל ר' יעקב אליעזר בערקאוויטש הי"ו.

נאכ'ן דאווענען איז דער ציבור אריבער זאגן א גוט שבת,
דערנאך איז דער רב אריבער אין היכל מאיר זעליג צו די קידושים לרגל עלי' לתורה פון החתן בן הר"ר משה אהרן פריעדמאן שליט"א - ר"מ בישיבה קטנה סניף מבצר התורה, און לרגל הולדת הבת אצל ר' יעקב אליעזר בערקאוויטש הי"ו און אצל מוה"ר לייבוש גרינפעלד הי"ו, דער רב האט אנגעוואונטשן פאר די בעלי שמחה ברכות לרוב,
ארום 12:25 האט דער רב פארלאזט דעם בנין הביהמ"ד.

= רעוא דרעוין =

ארום 8:45 נאכמיטאג איז דער רב אריינגעקומען בהיכל בית מדרשינו הגדול צו תפילת מנחה,
ביים ליינען איז דער רב געגאנגען הגבה.

נאך מנחה האט זיך דער רב געוואשן צו שלש סעודות,
נאך די פיש האט דער רב געמאכט א לחיים און געוואונטשן פאר'ן גאנצן ציבור,
דערנאך האט דער רב אנגעהויבן די זמירות של"ס,
מיט אודה האט דער רב מכבד געווען הרה"ח ר' אשר ווידער הי"ו - מאנטריאל,
שיר המעלות: הרה"ח ר' מרדכי גימפל וויינגארטן הי"ו - מאנטריאל.