🌴 בצל מורינו 🌴

🌴בצל מורינו🌴
= שבת קודש פרשת אחרי קדושים – שבת התאחדות עם אנשי שלומינו תושבי שכונת חתם סופר קרית יואל =

ערש"ק ארום 8:15 נאכמיטאג איז הגה"צ אבדק"ק ור"מ שליט"א אנגעקומען אין בית המדרש אנשי חי"ל פראנקפורט וואו דער רב האט יורד געווען לפני התיבה צו תפילת מנחה,
בעל תפילה קבלת שבת ומעריב: מוה"ר יואל קרויס הי"ו,
מזמור לדוד הבו לה' האט דער רב פארגעזאגט פסוק בפסוק כמנהג סיגוט,
נאך מעריב האט דער רב געציילט ספירה פאר'ן עמוד בהתלהבות אש קודש,
נאכ'ן דאווענען איז דער גאנצער ציבור אריבער זאגן גוט שבת און שלום נעמען.

= סעודת ליל שבת קודש =

דערנאך איז דער רב אריבערגעגאנגען צום ביהמ"ד אור משה אינעם געגנט וואו דער רב האט געפראוועט דעם סעודת ליל שבת קודש אינאיינעם מיט תלמידיו הנאמנים יוצאי ישיבה קטנה סניף דרך התורה העומד תחת דגלו והדרכתו,
דער רב איז אריין בחדרו הפרטי וואו דער רב האט געזאגט זכור, און דערנאך איז דער רב אריינגעקומען אינעם עזרת נשים שע"י הביהמ"ד צום סעודה,
מ'האט געזינגען די זמירות שבת קודש, דערנאך האט דער רב געמאכט קידוש באש להבת שלהבת און מוציא געווען אלע בחורים,
מיט הגבהת הכוס איז נתכבד געווארן נכד רבינו הבה"ח יואל דושינסקיא ני"ו בן הגה"צ רב דביהמ"ד אהל פיגא ק"י שליט"א,
דער רב האט זיך געוואשן און מ'האט אויפגעגעבן די פיש,
נאך די פיש האט דער רב משמיע געווען דברי תורה, דער רב האט זיך געשטעלט אויפ'ן פסוק 'קדושים תהיו וגו' איש אמו ואביו תיראו ואת שבתותי תשמורו' און ארומגערעדט בגודל קדושת השבת, צווישן אנדערע האט דער רב ארויסגעברענגט אז מ'דארף אפרעכטן א שבת קודש ווי עס דארף צו זיין מיט ערנסקייט און דערהויבנקייט, די דאווענען שבת קודש דארף אויסזעהן אנדערש און העכער ווי א גאנצע וואך, און אלעס דארף צוגיין שבת קודש מיט א התרוממות הנפש,
מ'האט אויפגעגעבן די איבריגע מאכלי הסעודה, און אינצווישן האט דער רב אנגעפירט מיט די ניגונים און אינאיינעם מיט די בחורים געזינגען ניגוני שבת וניגוני שמחה.

= התוועדות ליל שבת קודש =

ארום 11:40 איז דער רב אראפ צום היכל הביהמ"ד וואו עס איז פארגעקומען א התוועדות ליל שבת קודש פאר אלע אנשי שלומינו תושבי השכונה,
עס איז געווען פארזאמעלט א ריזן ציבור וועלכע זענען געקומען זיך אנשעפן און אנווארעמען ביים באטע בראשות דעם רב שליט"א, אזוי אויך האבן זיך אנגעזעהן די רבני השכונה וחשובי פני העדה צווישן אנדערע הרה"ג ר' יוסף חיים קויפמאן שליט"א - רב דביהמ"ד אנשי חי"ל פראנקפורט, הרה"ג ר' שלמה יוסף יאזעפאוויטש שליט"א - רב דביהמ"ד אור משה, הרה"ג ר' יעקב אפפענהיים שליט"א - רב דביהמ"ד בית יעקב, הרה"ג ר' יואל מארקאוויטש שליט"א - רב דביהמ"ד מורשת יואל, און נאך,
מיט כל מקדש האט דער רב מכבד געווען מוה"ר שלמה זלקא מויזקאפף הי"ו,
דערנאך האט דער רב נאכגעזאגט הערליכע ציצים ופרחים על פרשת השבוע בתוספת נופך משלו,
דער רב האט טועם געווען קוגל און מ'האט פארטיילט פאר'ן ציבור,
דערנאך האט דער רב געמאכט א לחיים און געוואונטשן פאר'ן גאנצן ציבור.

דער רב האט אנגעהויבן מנוחה ושמחה,
דערנאך האט דער רב משמיע געווען דברי תורה אויפ'ן פסוק 'קדושים תהיו' בפרשת השבוע וואס דער מדרש זאגט 'יכול כמוני, תלמוד לומר כי קדוש אני, קדושתי למעלה מקדושתכם' און עס אויסגעטייטשט בדרך דרוש ופלפול,
מען האט אויפגעגעבן לעבער,
פיוט בר יוחאי: הרה"ג ר' שלמה יוסף יאזעפאוויטש שליט"א,
קה אכסוף: מוה"ר שלמה לאנדא הי"ו,
ויהיו רחמיך: הרה"ג ר' יוסף חיים קויפמאן שליט"א,
צמאה נפשי: הרה"ג ר' יואל מארקאוויטש שליט"א,
ברכת המזון: הרה"ג ר' יוסף חיים קויפמאן שליט"א.

מ'האט אויפגעגעבן פירות און דער רב האט פארטיילט פאר די פרישע חתנים,
דערנאך האט דער רב דערציילט עובדות וסיפורים פון הרה"ק בעל זרע קודש מ'ראפשיץ זי"ע וואס די יארצייט איז געפאלן דעם פארגאנגענעם פרייטאג - י"א אייר,
אז ביום השביעי: מוה"ר שמעון שווארץ הי"ו,
דערנאך איז דער גאנצער ציבור אריבער זאגן א גוט שבת,
מ'האט געענדיגט ארום 1:15 און דער רב האט פארלאזט דעם בנין הביהמ"ד אויפ'ן וועג אהיים לבית האכסניא.