🌴 בצל מורינו 🌴

🌴בצל מורינו🌴
= שבת קודש פרשת שמיני =

ערש"ק אום 8:10 איז הגה"צ אבדק"ק ור"מ שליט"א אריינגעקומען בהיכל בית מדרשינו הגדול וואו דער רב האט יורד געווען לפני התיבה צו תפילת מנחה,
מ'האט געדאווענט קבלת שבת און מעריב,
נאכ'ן דאווענען איז דער ציבור אריבער זאגן גוט שבת,
מ'האט געענדיגט ארום 9:50, און דער רב האט פארלאזט דעם בנין הביהמ"ד.

= התוועדות ליל שבת קודש =

ארום 11:45 איז דער רב אריינגעקומען אין היכל מאיר זעליג בבית מדרשינו הגדול צום התוועדות ליל שב"ק,
דער רב האט טועם געווען חלה און אנגעהויבן עטליכע ניגוני שבת,
דער רב האט דערציילט עטליכע סיפורי צדיקים משולב בדברי תורה על פרשת השבוע.

מיט די זמירות שבת קודש האט דער רב מכבד געווען חשובי אנשי שלומינו הנאספים, מ'האט געזינגען כל מקדש,
דערנאך האט דער רב נאכגעזאגט הערליכע ציצים ופרחים על פרשת השבוע בתוספת נופך משלו,
דער רב האט טועם געווען קוגל און מ'האט פארטיילט פאר'ן ציבור,
דערנאך האט דער רב געמאכט א לחיים און געוואונטשן פאר'ן גאנצן ציבור.

דער רב האט אנגעהויבן מנוחה ושמחה,
דערנאך האט דער רב משמיע געווען דברי תורה אויף די פסוקים בפרשת השבוע און עס אויסגעטייטשט בדרך דרוש ופלפול,
מען האט אויפגעגעבן לעבער,
מ'האט געזינגען קה אכסוף, ויהיו רחמיך, און דערנאך געבענטשט.

נאכ'ן בענטשן האט מען אויפגעגעבן פירות און דער רב האט פארטיילט פאר די פרישע חתנים,
דערנאך האט דער רב דערציילט עובדות וסיפורים פון רבותינו הקדושים וואס די יארצייט געפאלט דעם קומענדיגן וואך,
מ'האט געזינגען אז ביום השביעי,
דערנאך איז דער ציבור אריבער זאגן א גוט שבת,
מ'האט געענדיגט ארום 1:00, און דער רב האט פארלאזט דעם בנין הביהמ"ד אויפ'ן וועג אהיים לביתו.

= וביום השבת קודש =

ארום 9:30 איז דער רב אריינגעקומען בהיכל בית מדרשינו הגדול צו תפילת שחרית,
ביים ליינען האט דער רב עולה געווען שישי,
נאכ'ן ליינען האט דער רב ראש חודש געבענטשט מיט גרויס התעוררות,
דערנאך האט מען געדאווענט תפילת מוסף,
נאכ'ן דאווענען איז דער ציבור אריבער זאגן גוט שבת, מ'האט געענדיגט ארום 12:10, און דער רב פארלאזט דעם בנין הביהמ"ד.

= רעוא דרעוין =

ארום 8:00 נאכמיטאג איז דער רב אריינגעקומען בהיכל בית מדרשינו הגדול צו תפילת מנחה,
ביים ליינען איז דער רב געגאנגען הגבה.

נאך תפילת מנחה האט זיך דער רב געוואשן צו שלש סעודות,
נאך די פיש האט דער רב געמאכט א לחיים און געוואונטשן פאר'ן גאנצן ציבור,
דערנאך האט דער רב אנגעהויבן די זמירות של"ס,
מיט אודה האט דער רב מכבד געווען הר"ר יחזקאל פרענקל שליט"א - ר"מ בישיבה לצעירים,
שיר המעלות: מוה"ר בערל ווייס הי"ו.

דער רב האט געזאגט שלש סעודות תורה, און זיך געשטעלט אויפ'ן פסוק 'זה הדבר אשר צוה ה' תעשו וירא אליכם כבוד השם', וואס דער מדרש זאגט 'אותו יצר הרע תעבירו מלבבכם'.

דער רב האט ארויסגעברענגט פילע נקודות בענינים הנוגעים למעשה און לויט דעם אויסגעטיישט דעם פסוק און דעם מדרש אויף פיר מהלכים,
די טעם פארוואס גדול המצוה ועושה איז ווייל עס גייט אריין אינעם מענטש די כח הקדושה פונעם אויבערשטער וואס איז דער משלח, און מיט דעם האט מען די מעגליכקייט צו באזיגן דעם יצר הרע,
די סיבה פארוואס מען דארף דאווענען אויפ'ן קול איז כדי אנדערע זאלן הערן און נתעורר ווערן, מ'טאר זיך נישט לאזן פונעם יצר הרע וואס זאגט אז ס'איז גענוג צו דאווענען מיט'ן הארץ,
א מחשבה און א דיבור פון א איד איז מורא'דיג חשוב, א מענטש מיינט אמאל אז ס'איז גארנישט, ער ווייסט נישט ווי ווייט עס קען אויפטוהן, און די זעלבע זאך אויף לרע חס ושלום וויפיל ס'קען חרוב מאכן,
אפי' מ'האט שוין מקיים געווען אלע מצוות פונעם יום טוב פסח העעל"ט, קען מען נאכאלץ פאררעכטן אויב מ'האט נישט ריכטיג מקיים געווען, מ'קען נאך יעצט מתקן זיין וואס ס'וואלט ווען געווען בעסער ווען דער אויבערשטער געט ווען נאכאמאל די מצוות יעצט,
און דער רב האט צוגעענדיגט מיט ברכות לרוב.

קל מסתתר: הרה"ח ר' מענדל בער פאוועל הי"ו,
דערנאך האט מען געבענטשט,
הגבהת הכוס: הרה"ג ר' מרדכי יוסף ווייסמאנדל שליט"א - ר"מ בישיבה קטנה סניף היכל התורה.

מען האט געדאווענט תפילת מעריב, דער ציבור איז אריבער זאגן א גוטע וואך, מען האט געענדיגט ארום 9:50, און דער רב האט פארלאזט דעם בנין הביהמ"ד.

א גוטע נאכט.
~🌴~