🌴 בצל מורינו 🌴

🌴בצל מורינו🌴
= שבת קודש פרשת צו - שבת הגדול =

ערש"ק ארום 8:00 איז הגה"צ אבדק"ק ור"מ שליט"א אריינגעקומען בהיכל בית מדרשינו הגדול צו תפילת מנחה,
דער רב האט מכבד געווען הרה"ג ר' מאיר צוויבל שליט"א מרבני קהילתינו הק' צוצוגיין צום עמוד,
צו קבלת שבת איז צוגעגאנגען מוה"ר שמואל אהרן גראסבערג הי"ו,
נאכ'ן דאווענען איז דער ציבור אריבער זאגן גוט שבת,
מ'האט געענדיגט ארום 9:30, און דער רב איז ארויף אינעם עזרת נשים שע"י הביהמ"ד וואו דער רב האט אפגעראכטן די סעודת ליל שבת קודש אויף א פריוואטע פארנעם אינאיינעם מיט די בני המשפחה.

= וביום השבת קודש =

אום 6:20 באשמורת הבוקר איז דער רב אריינגעקומען בהיכל בית מדרשינו הגדול צו תפילת שחרית,
צו ברכות ופסוקי דזמרה איז צוגעגאנגען הר"ר משה גדלי' פאלאטשעק שליט"א,
בעל תפילה שחרית: הר"ר משולם פייש הורוויץ שליט"א.

ביים ליינען זענען נתכבד געווארן:
הוצאה והכנסה: מוה"ר יואל שווארץ הי"ו,
בעל קורא: הרה"ח ר' יודל ווערצבערגער הי"ו,
כהן: מוה"ר יעקב יהושע סאנדער הי"ו,
לוי: הרה"ח ר' חיים העללער הי"ו,
שלישי: הר"ר חיים הערש שליט"א - ב"פ, בן הגה"צ אבדק"ק ור"מ שליט"א,
רביעי: ר' משה פאלקאוויטש הי"ו,
חמישי: ר' יוסף יושע ווידער הי"ו,
שישי: הגה"צ אבדק"ק ור"מ שליט"א,
מפטיר: מוה"ר יצחק יודא פארגעס הי"ו,
הגבה: מוה"ר חיים בער שטיינמעטץ הי"ו.

צו תפילת מוסף איז צוגעגאנגען מוה"ר יצחק יודא פארגעס הי"ו,
פתיחה לאנעים זמירות: מוה"ר אברהם יצחק ליכטענשטיין הי"ו - ק"י,
נאכ'ן דאווענען איז דער ציבור אריבער זאגן גוט שבת,
מ'האט געענדיגט ארום 8:25, און דער רב האט פארלאזט דעם בנין הביהמ"ד.

= רעוא דרעוין =

ארום 7:00 נאכמיטאג איז דער רב אריינגעקומען בהיכל בית מדרשינו הגדול צו תפילת מנחה,
צום עמוד איז צוגעגאנגען מוה"ר יואל בר"א טירנויער הי"ו,
ביים ליינען איז דער רב געגאנגען הגבה,
גלילה: מוה"ר חיים יעקב לעבאוויטש הי"ו.

נאך מנחה איז פארגעקומען דעם מעמד שלש סעודות,
דער רב האט טועם געווען פירות און פיש, און דערנאך געמאכט א לחיים און געוואונטשן פאר'ן גאנצן ציבור,
דערנאך האט דער רב אנגעהויבן די זמירות של"ס,
מיט אודה האט דער רב מכבד געווען הרה"ח ר' עקיבא הירש הי"ו,
שיר המעלות: מוה"ר יצחק יודא פארגעס הי"ו.

דערנאך האט דער רב געזאגט דברי תורה אין די געהויבענע מינוטן בעת רעוא דרעוין ארומרעדנדיג בדברי הכנה ליו"ט פסח,
דער רב האט זיך געשטעלט אויפ'ן פסוק אין די וואכעדיגע פרשה 'זאת תורת העולה' און מאריך געווען אינעם ענין אז מ'דארף דינען דעם אויבערשטן ריין לשמה לעשות נחת רוח נישט צו באקומען עפעס פאר דעם, און דאס איז די עבודה היינט נאכט ביים סדר,
און ארויסגעברענגט די געוואלדיגע מעלה פון אריינגיין אינעם פסח פון א שבת קודש, אזויווי הרה"ק מהרי"ד מ'בעלז זי"ע האט מסביר געווען די טעם פארוואס סליחות איז דייקא מוצאי שבת.

דער רב האט ארומגערעדט בגודל קדושת החג, יעדע איד װערט נתעלה ביים סדר נאכט, אלע עבירות ווערן נמחל, פסח ביינאכט נישט דא קיין שום חילוק צווישן פשוט'ע אידן און גרויסע צדיקים,
און מסביר געווען דעם בני יששכר אז ניסן איז בגי' צוויי מאל פה, ווייל פסח ביינאכט איז די איינציגסטע מאל וואס מ'נוצט ביידע חלקי הפה צו עסן מצה ומרור און צו פארציילן יציאת מצרים.

דער רב האט צוגעענדיגט מיט ברכות לרוב און אנגעוואונטשן אז מ'זאל קענען צוגיין צום יום טוב לעשות נחת רוח להבורא יתברך שמו און מ'זאל האבן אלע השפעות טובות.

ידיד נפש: הרה"ח ר' שלמה זלמן שטיין הי"ו - משב"ק,
קל מסתתר: הרה"ח ר' חיים העללער הי"ו,
מ'האט געענדיגט ארום 8:40, און דער רב איז אריין בחדרו הפרטי.