🌴 בצל מורינו 🌴

🌴בצל מורינו🌴
= דאנערשטאג פרשת וירא =

אין די פארטאגס שעה'ן איז הגה"צ אבדק"ק ור"מ שליט"א אנגעקומען אין ישיבה לצעירים,
דער רב איז אריין בהיכל הביהמ"ד און זיך אומגעקוקט אויף די לימודים,
דערנאך האט דער רב געלערנט מיט א חברותא בהיכל הביהמ"ד.

ארום 8:45 האט דער רב געדאווענט תפילת שחרית אינאיינעם מיט די תלמידי הישיבה,
נאכן דאווענען האט דער רב פארלאזט דעם בנין הישיבה.

ארום 6:00 נאכמיטאג איז דער אנגעקומען אין ישיבה קטנה סניף נזר התורה בהנהלת הרה"ג ר' שמחה רובין שליט"א,
ביים אנקומען האט דער רב צוערשט געדאווענט תפילת מנחה אינאיינעם מיט די תלמידי הישיבה.

נאך מנחה איז פארגעקומען א מסיבת לחיים,
מען האט געזינגען עטליכע ניגוני שבת,
דער רב האט געמאכט א לחיים און אנגעוואונטשן פאר די רמ"י ותלמידי הישיבה,
דער רב האט משמיע געווען א דרשה און ארומגערעדט דברי הדרכה צום נייעם זמן,
דער רב האט ארומגערעדט בשבח פונעם נייעם מנהל און אויפגעפאדערט די בחורים צו האבן דעם פולסטן כבוד און רעספעקט,
דער רב האט מעורר געווען זיך צו האלטן צו די סדרי הישיבה, און אויסניצן די צייט מיט תורה ותפילה,
און דער רב האט מסיים געווען מיט ברכות לרוב פאר אלע בחורים און געוואונטשן דעם נייעם מנהל הצלחה אויפן זמן.

דערנאך האט דער רב געדאווענט תפילת מעריב אינאיינעם מיט די תלמידי הישיבה, און דערנאך פארלאזט דעם בנין הישיבה.

ארום 8:30 אויפדערנאכט איז דער רב אנגעקומען אין ביהמ"ד הגדול און אריין בחדרו הפרטי וואו עס איז פארגעקומען קבלת קהל פאר אנשי שלומינו תושבי וויליאמסבורג, לויט די פרישע איינשטעל לטובת אנ''ש מיט אפיציעלע זמנים מיוחדים איינצוליידענען צו שמחות און אדורכצושמועסן לעצה ולברכה,
מען האט געענדיגט ארום 9:20.

בעת די זמן כניסה איז אריין צום רב הנהלת כולל חבת ירושלים אין שפיץ פון הגה"צ רבי ישכר בעריש רובין שליט"א מדאמבראווע איינצולאדענען צום 'ליל התקשרות' - דינער השנתי פארן כולל וואס קומט פאר דעם קומענדיגן מוצאי שבת וירא אין די זאל פון קאנטינענטאל,
עס האט זיך פארצויגן א שיינע שמועס איבער די פעולות פונעם כולל היינטצוטאגס, און דער רב האט ווארעם געוואונטשן ברכות לרוב.

שפעטער אויפדערנאכט האט זיך דער רב באטייליגט ביי די שמחות פון אנשי שלומינו.

א גוטן טאג.
~🌴~