🌴 בצל מורינו 🌴

🌴בצל מורינו🌴
= זונטאג פרשת וירא =

ארום 11:35 איז דער רב אנגעקומען אין ביהמ"ד ברך משה דקהילתינו הק' צום וועכנטליכן שיעור חזרה בחבורת יסודי התורה אינעם עזרת נשים שע"י הביהמ"ד,
מ'האט געענדיגט ארום 1:00,
און דער רב האט פארלאזט דעם בנין הביהמ"ד.

ארום 5:30 נאכמיטאג איז דער רב אנגעקומען אין ביהמ"ד הגדול און אריין בחדרו הפרטי וואו עס איז פארגעקומען קבלת קהל פאר אנשי שלומינו תושבי וויליאמסבורג, לויט די פרישע איינשטעל לטובת אנ''ש מיט אפיציעלע זמנים מיוחדים איינצוליידענען צו שמחות און אדורכצושמועסן לעצה ולברכה,
מען האט געענדיגט ארום 6:40.

דערנאך האט דער רב מסדר קידושין געווען ביים חופה פון החתן בן מוה"ר פישל האלפערט הי"ו - ק"י עב"ג הכלה בת מוה"ר משה ליפא פרידריך הי"ו אין די זאל פון אימפעריאל.

שפעטער אויפדערנאכט האט זיך דער רב באטייליגט ביים שבע ברכות פון החתן בן מוה"ר נחום הלוי קלאגסברוין הי"ו עב"ג הכלה בת מוה"ר יואל פייערווערקער הי"ו - ק"י אין די זאל פון דעקאריום,
ביים שבע ברכות פון החתן בן הרה"ג ר' שלמה יואל מאשקאוויטש שליט"א - מו"ץ בקהילתינו הק' עב"ג הכלה בת מוה"ר נחמי' ב"ר יודל ווערצבערגער הי"ו אין די זאלן פון אולם פרענקל.

דערנאך האט זיך דער רב ארויסגעלאזט אויפ'ן וועג קיין בארא פארק וואו דער רב האט זיך באטייליגט ביים תנאים פון די מחותנים מוה"ר יואל בר"מ בראך הי"ו און מוה"ר יוסף יושע גאלדבערגער הי"ו אין די זאל פון ספינקא, און דער רב האט געליינט תנאים,
דערנאך האט זיך דער רב ארויסגעלאזט אויפ'ן וועג צוריק קיין וויליאמסבורג.

ביים אנקומען אין וומ"ס האט זיך דער רב באטייליגט ביים בר מצוה פון בן מוה"ר מרדכי יונה ווידער הי"ו אין די זאל פון אפעל גארדענס.

דערנאך האט דער רב געדאווענט תפילת מעריב אין ביהמ"ד בנין בראך דקהילתינו הק'.

א גוטן טאג.
~🌴~